பேரழகை தரும் குங்குமப்பூ எண்ணெய்!

உங்கள் முக அழகையும் நிறத்தையும் மேம்படுத்த சில முக்கிய குறிப்புகள் தரப்பட்டுள்ளது. இதனை நீங்கள் தொடர்ந்து பின்பற்றி வந்தால் நிச்சயம் பேரழகாக ஜொலிப்பீர்கள்!

குங்குமப்பூ எண்ணெயில் உள்ள ஆன்டி ஆக்சிடென்ட்கள் முகத்தில் உள்ள பிரீ ரேடிக்கல்ஸை தாக்கி அழிக்கிறது. இதனால் சருமம் சேதம் அடையாமல் பாதுகாக்க படுகிறது. மேலும் ப்ளாக் ஹெட்ஸ் களை நீக்கி சருமத்துளைகளை நீக்குகிறது.

குங்குமப்பூ எண்ணெய் தயாரிக்க தேவையானவை: பாதாம் எண்ணெய் அரை கப் மற்றும் குங்குமப்பூ இதழ்கள் இரண்டு தேக்கரண்டி. பாதாம் எண்ணெய்யில் குங்குமப்பூவை நன்றாக கலக்கவும். அதன் பின்னர் ஐந்து நிமிடங்களுக்கு அப்படியே வைத்திருங்கள்.

ஒரு தவாவில் நீரூற்றி கொதிக்க விடுங்கள். நன்றாக நீர் கொதிக்கும் போது எடுத்து வைத்துள்ள பாதாம் குங்குமப்பூ எண்ணையை அந்த நீரில் மேல் வையுங்கள். 30 நிமிடங்கள் மிதமான சூட்டில் நீர் கொதித்தபடியே இருக்கட்டும். பின்னர் ஆறிய உடன் எடுத்து குங்குமப்பூக்களை வடிகட்டி விட்டு நீங்கள் அதனை ஒரு பாட்டிலில் சேமியுங்கள். இதுதான் குங்குமப்பூ எண்ணெய் உங்கள் முக அழகை மேம்படுத்தும் அற்புத பொருள்.

தினமும் இரவில் நீங்கள் உறங்கும் முன் முகத்தில் தடவி கொள்ளுங்கள். காலையில் முகத்தை பாசிப்பயிறு கொண்டு கழுவி வாருங்கள். ஒரே மாதத்தில் வெட்கப்படாமலே சிவந்து போய் இருக்கும் உங்கள் முகத்தை பார்த்து நீங்களே ஆச்சரியப்படுவீர்கள்.