ஆப்பிள் நிறுவனத்தின் புதிய 12.9 இன்ச் ஐபேட் ப்ரோ மாடல்

ஆப்பிள் நிறுவனம் 12.9 இன்ச் ஐபேட் ப்ரோ மாடல் வெளியீட்டு விவரங்கள் பல முறை இணையத்தில் வெளியாகி இருக்கின்றன. இந்நிலையில், புதியஆப்பிள் ஐபேட் ப்ரோ மாடல் மினி எல்இடி டிஸ்ப்ளே வழங்கப்படும் என கூறப்படுகிறது. மேலும் புதிய ஐபேட் தற்போதைய மாடலில் உள்ளதை விட பல மாற்றங்களை கொண்டிருக்கும் என தெரிகிறது.

இந்த புதிய 12.9 இன்ச் ஐபேட் ப்ரோ மாடல் 2021 ஆண்டின் முதல் காலாண்டு வாக்கில் அறிமுகம் செய்யப்படலாம் என தகவல் வெளியாகி உள்ளது. இதற்கு முன், வெளியான தகவல்களிலும் புதிய ஐபேட் ப்ரோ மாடல் இதே காலக்கட்டத்தில் அறிமுகம் செய்யப்படும் என கூறப்பட்டு இருந்தது.

இதற்கு முந்தைய தகவல்களில் ஆப்பிள் நிறுவனம் தனது அடுத்த தலைமுறை ஐபேட் ப்ரோ மாடல்களில் 5ஜி எம்எம்வேவ் தொழில்நுட்பத்தை வழங்க இருப்பதாக கூறப்பட்டது. இந்த தொழில்நுட்பம் அதிவேக இணைய இணைப்புகளை வழங்கும் திறன் கொண்டது.

அதன்படி 2021 ஐபேட் ப்ரோ மாடல்களில் எம்எம்வேவ் வசதி கொண்ட 5ஜி நெட்வொர்க் திறன் வழங்கப்படும் என கூறப்படுகிறது. இதுதவிர அடுத்த தலைமுறை ஐபேட் ப்ரோ மாடல்களில் OLED ரக டிஸ்ப்ளே வழங்கப்பட இருப்பதாக கூறப்பட்டது.