பிக் பில்லியன் டேஸ் விற்பனையில் 22 புதிய ஸ்மார்ட்போன்களை அறிமுகம் செய்யும் ப்ளிப்கார்ட்!

பிக் பில்லியன் டேஸ் 2020 சிறப்பு விற்பனையில் ப்ளிப்கார்ட் 22 புதிய ஸ்மார்ட்போன்களை அறிமுகம் செய்ய இருப்பது தெரியவந்துள்ளது. புதிய ஸ்மார்ட்போன்களில் பிரீமியம், மிட்-பிரீமியம் பிரவுகளை சேர்ந்த மாடல்கள் இடம்பெற்று இருக்கின்றன.

நேற்று துவங்கிய சிறப்பு விற்பனை அக்டோபர் 21 ஆம் தேதி வரை நடைபெற இருக்கிறது. இந்த விற்பனையில் பல்வேறு ஸ்மார்ட்போன்கள் முதல்முறையாக விற்பனைக்கு வருகின்றன. அனைவரும் வாங்கக் கூடிய விலை மற்றும் சலுகைகளில் ஸ்மார்ட்போன்கள் விற்பனை செய்ய பல்வேறு நடவடிக்கைகளை ப்ளிப்கார்ட் மேற்கொண்டு உள்ளது .

வட்டியில்லா மாத தவணை வசதி, ப்ளிப்கார்ட் ஸ்மார்ட் அப்கிரேடு, ப்ளிப்கார்ட் வாரண்டி அசிஸ்ட் ப்ரோகிராம், கம்ப்லீட் மொபைல் ப்ரோடெக்ஷன் மற்றும் பை-பேக் ப்ரோகிராம் உள்ளிட்டவை சலுகைகள் சிறப்பு விற்பனையில் வழங்கப்படுகிறது.

சிறப்பு விற்பனையில் பிக்சல் 4ஏ, ஐபோன் எஸ்இ, ஐபோன் XR, ஐபோன் 11, அசுஸ் ரோக் 3, கேலக்ஸி எஸ்20 பிளஸ், நோட் 10 பிளஸ், மோட்டோரோலா எட்ஜ் பிளஸ், மோட்டோ ரேசர் மற்றும் எம்ஐ 10டி சீரிஸ் உள்ளிட்டவை விற்பனை செய்யப்படுகின்றன.