மாணவர்களுக்காக ஒன்பிளஸ் நிறுவனத்தின் விசேஷ தள்ளுபடி வழங்கும் சிறப்பு திட்டம்

தற்போது கொரோனா காரணமாக பள்ளி மற்றும் கல்லூரி மாணவர்கள் ஆன்லைன் மூலம் கல்வி கற்று வருகின்றனர். இந்நிலையில் ஒன்பிளஸ் நிறுவனம் மாணவர்கள் மற்றும் ஆசிரியர்களுக்கு Education Benefits பெயரில் அசத்தல் சலுகையை அறிவித்து இருக்கிறது. இந்த சலுகையில் ஒன்பிளஸ் சாதனங்களை வாங்கும் மாணவர்கள் மற்றும் ஆசிரியர்களுக்கு விசேஷ தள்ளுபடி வழங்கப்படுகிறது.

இந்த திட்டத்தில் இந்தியா முழுக்க 760 பல்கலைக்கழகங்கள் மற்றும் 38,498 கல்லூரிகள் இடம்பெற்றுள்ளன. ஒன்பிளஸ் Education Benefits திட்டத்தில் மாணவர்கள் மற்றும் ஆசிரியர்கள் புதிய ஒன்பிளஸ் ஸ்மார்ட்போன் அல்லது ஒன்பிளஸ் டிவி வாங்கும் போது ரூ.1000 உடனடி தள்ளுபடி பெற முடியும். இதுதவிர கல்லூரி அல்லது பல்கலைக்கழகம் செல்வோர் ஒன்பிளஸ் அக்சஸரீ வாங்கும் போது ஐந்து சதவீதம் வரை தள்ளுபடி பெற முடியும்.

இந்த சலுகை மாணவர்கள் மற்றும் ஆசிரியர்களுக்கு மட்டும் பொருந்தும். சலுகையில் பயன்பெற முதலில் கல்லூரி அல்லது பல்கலைக்கழகம் செல்வதை உறுதிப்படுத்த வேண்டும். தற்போதைய கல்வியாண்டில் பயிலும் மாணவர்கள் மற்றும் ஆசிரியர்களுக்கு மட்டுமே இந்த சலுகை வழங்கப்படுகிறது.

மேலும் இதனை ஆண்டிற்கு ஒருமுறை மட்டுமே பயன்படுத்த முடியும். ஐந்து சதவீத தள்ளுபடி ஆடியோ சாதனங்கள், கேஸ் மற்றும் ப்ரோடக்ஷன் உள்ளிட்டவைகளுக்கு பொருந்தும். இந்த கொரோனா காலகட்டத்தில் மாணவர்கள் மற்றும் ஆசிரியர்களுக்கு ஏற்ப இந்த திட்டத்தினை செயல்படுத்தியுள்ளது.