ஒப்போ எஃப்15 மற்றும் ஒப்போ ரெனோ 2எஃப் ஸ்மார்ட்போன் மாடல்களின் விலை அதிரடி குறைப்பு

இந்தியாவில் ஒப்போ நிறுவனம் தனது இரு ஸ்மார்ட்போன் மாடல்களின் விலையை குறைத்துள்ளது. அதன்படி ஒப்போ எஃப்15 மற்றும் ஒப்போ ரெனோ 2எஃப் ஸ்மார்ட்போன் மாடல்களின் விலையில் ரூ. 3 ஆயிரம் வரை குறைக்கப்படுகிறது.

தற்சமயம் ஒப்போ எஃப்15 8 ஜிபி ரேம், 128ஜிபி மெமரி மாடல் விலை தற்சமயம் ரூ. 18990 முதல் துவங்குகிறது. முன்னதாக இந்த ஸ்மார்ட்போன் ரூ. 21990 விலையில் விற்பனை செய்யப்பட்டு வந்தது. ஒப்போ ரெனோ 2எஃப் ஸ்மார்ட்போன் தற்சமயம் ரூ. 21990 விலையில் விற்பனை செய்யப்படுகிறது.
தற்போதைய தகவல்களின் படி ஸ்மார்ட்போன்களின் புதிய விலை ஆன்லைன் மற்றும் ஆஃப்லைன் தளங்களுக்கு பொருந்தும் என கூறப்படுகிறது.

சிறப்பம்சங்களை பொருத்தவரை ஒப்போ எஃப்15 ஸ்மார்ட்போனில் 6.4 இன்ச் ஃபுல் ஹெச்டி பிளஸ் AMOLED டிஸ்ப்ளே, மீடியாடெக் ஹீலியோ பி70 பிராசஸர், 8 ஜிபி ரேம், 128 ஜிபி மெமரி வழங்கப்படுகிறது. புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 2 எம்பி மோனோகுரோம், 2 எம்பி டெப்த் சென்சார் மற்றும் 16 எம்பி செல்ஃபி கேமரா வழங்கப்பட்டுள்ளது. 4000 எம்ஏஹெச் பேட்டரி, 20 வாட் வூக் ஃபிளாஷ் சார்ஜ் வழங்கப்படுகிறது.

ரெனோ 2எஃப் ஸ்மார்ட்போனில் 6.5 இன்ச் AMOLED ஸ்கிரீன், கார்னிங் கொரில்லா கிளாஸ் 5 பாதுகாப்பு, மீடியாடெக் ஹீலியோ பி70 பிராசஸர், 8 ஜிபி ரேம், 128 ஜிபி மெமரி வழங்கப்படுகிறது. புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 2 எம்பி மோனோகுரோம், 2 எம்பி டெப்த் சென்சார் மற்றும் 16 எம்பி பாப் அப் ரக செல்ஃபி கேமரா வழங்கப்பட்டுள்ளது. 4000 எம்ஏஹெச் பேட்டரி, 20 வாட் வூக் ஃபிளாஷ் சார்ஜ் 3.0 வழங்கப்படுகிறது.