Advertisement

நடிகர் ஆரவ் - நடிகை ராஹி திருமணத்தில் பங்கேற்ற பிக்பாஸ் டீம்

By: Nagaraj Mon, 07 Sept 2020 1:11:17 PM

நடிகர் ஆரவ் - நடிகை  ராஹி திருமணத்தில் பங்கேற்ற பிக்பாஸ் டீம்

நடிகர் ஆரவ் - நடிகை ராஹி திருமணம் நடந்து முடிந்துள்ளது.

கமல் தொகுத்து வழங்கிய பிக்பாஸ் நிகழ்ச்சி மூலம் பிரபலமானவர் ஆரவ். ஓ காதல் கண்மணி, சைத்தான் ஆகிய படங்களில் சிறிய வேடத்தில் நடித்திருந்த ஆரவ், சரண் இயக்கிய 'மார்க்கெட் ராஜா எம்.பி.பி.எஸ்.' படத்தின் மூலம் ஹீரோவானார். தற்போது ராஜபீமா படத்தில் நடித்து வருகிறார்.

இந்நிலையில், ஆரவ்வுக்கு, கவுதம் மேனன் இயக்கும் ஜோஷ்வா படத்தில் ஹீரோயினாக நடித்துள்ள நடிகை ராஹிக்கும் சென்னையில் திருமணம் நடைபெற்றது. ஆரவ்வும் ராஹியும் நீண்ட நாட்களாக காதலித்து வந்துள்ளனர். தற்போது பெற்றோர்கள் சம்மதத்துடன் அவர்களது திருமணம் நடைபெற்று உள்ளது.

actor arav,marriage,friends,big boss,sinegan ,நடிகர் ஆரவ், திருமணம், நண்பர்கள், பிக்பாஸ், சினேகன்

இந்த திருமண விழாவில் உறவினர்கள் மற்றும் நெருங்கிய நண்பர்கள் மட்டுமே கலந்துகொண்டனர். பிக்பாஸ் முதல் சீசன் போட்டியாளர்களான சினேகன், காயத்ரி ரகுமார், ஆர்த்தி, வையாபுரி, பிந்து மாதவி, ஹரீஷ் கல்யாண், ஷக்தி, காஜல் பசுபதி, சுஜா வருணி, கணேஷ் வெங்கட் ராம் ஆகியோர் கலந்து கொண்டு மணமக்களை வாழ்த்தினர்.

இயக்குனர்கள் கே.எஸ்.ரவிகுமார், சரண், விஜய், ரஞ்சித் ஜெயக்கொடி, பிரதீப் கிருஷ்ணமூர்த்தி உள்ளிட்டோரும் இதில் கலந்து கொண்டனர்.

Tags :