நடிகர் சசிகுமாரின் அடுத்த படம் பகைவனுக்கு அருள்வாய் பூஜையுடன் தொடக்கம்

நடிகர் சசிகுமார் கதாநாயகனாக நடிக்கும் பகைவனுக்கு அருள்வாய் படப்பிடிப்பு பூஜையுடன் தொடங்கி உள்ளது.

கூர்க்கா படத்தைத் தயாரித்த 4 Monkeys Studio தயாரிப்பு நிறுவனம் அடுத்துத் தயாரிக்கும் புதிய திரைப்படம் 'பகைவனுக்கு அருள்வாய்'.
இந்தப் படத்தில் கதையின் நாயகனாக சசிகுமார் நடிக்கிறார். நாயகிகளாக வாணி போஜன், பிந்து மாதவி இருவரும் நடிக்கின்றனர்.

மேலும் நடிகர்கள் நாசர், சதிஷ் நிஷ்நஷம், ஜெயப்பிரகாஷ் ஆகியோர் முக்கிய கதாபாத்திரங்களில் நடிக்கின்றனர். இசை - ஜிப்ரான், ஒளிப்பதிவு - கார்த்திக் கே.தில்லை, படத் தொகுப்பு - மு.காசி விஸ்வநாதன், கலை இயக்கம் - விஜய் தென்னரசு, நடன இயக்கம் - தீனா, சண்டை இயக்கம் - ஆக்‌ஷன் நூர், மக்கள் தொடர்பு - சதிஷ்.

இப்படத்தை திருமணம் எனும் நிக்காஹ் படத்தை இயக்கிய இயக்குநர் அனிஸ் இயக்குகிறார். இப்படத்தின் படப்பிடிப்பு பூஜையுடன் இனிதே துவங்கியது.