- வீடு›
- பொழுதுபோக்கு›
- டோலிவுட் கில்லியின் சவாலை ஏற்பரா கோலிவுட் கில்லி
டோலிவுட் கில்லியின் சவாலை ஏற்பரா கோலிவுட் கில்லி
By: Nagaraj Mon, 10 Aug 2020 8:00:36 PM
தெலுங்கு "கில்லி" விடுத்த சவாலை ஏற்பாரா தமிழக "கில்லி" என்ற எதிர்பார்ப்பு ரசிகர்கள் மத்தியில் எழுந்துள்ளது.
தெலுங்கு திரையுலகின் முன்னணி நடிகராக இருக்கும் மகேஷ் பாபு, நடிகர் விஜய்க்கு சமூக வலைதளம் வாயிலாக சவால் விடுத்துள்ளார். சமூக வலைதளங்களின் வாயிலாக புதிய புதிய சேலஞ்ச்கள் அவ்வப்போது உருவாக்கப்பட்டு வருகின்றன. அந்த வகையில் தற்போது இந்தியாவில் திரையுலக பிரபலங்கள் மற்றும் அரசியல்வாதிகள் மரம் நடுவதை சவாலாக விடுத்து வருகின்றனர்.
தெலங்கானா எம்.பி சந்தோஷ் குமார் உலக சுற்றுச் சூழல் தினத்தன்று மரம் நடும்
‘கிரீன் இந்தியா சேலஞ்ச்’ என்ற ஒன்றை தொடங்கி வைத்தார். இந்த சேலஞ்சை
பிரபாஸ், நாகர்ஜுனா, சமந்தா, ராஷ்மிகா மந்தனா, ராஷி கண்ணா உள்ளிட்ட
தெலுங்கு திரையுலக பிரபலங்கள் செய்தனர். நேற்று பிறந்தநாள் கொண்டாடிய
நடிகர் மகேஷ் பாபுவும் இந்த சேலஞ்சை செய்தார்.
மேலும் இந்த சவாலை
செய்யுமாறு நடிகர் விஜய், தெலுங்கு நடிகர் ஜுனியர் என்.டி.ஆர், நடிகை
சுருதிஹாசன் ஆகியோரை அவர் கேட்டுக் கொண்டுள்ளார். மகேஷ் பாபுவின் சவாலை
விஜய் ஏற்பாரா என ரசிகர்கள் ஆவலோடு எதிர்பார்த்து காத்திருக்கின்றனர். அந்த
கில்லியின் சவாலை நம்ம கில்லி செய்வாரா என்று ரசிகர்கள்
எதிர்பார்த்துள்ளனர்.