பிக்பாஸ் வீட்டில் டபுள் எவிக்சனா... வெளியேறப்போவது யார்? யார்?

பிக்பாஸ் நிகழ்ச்சி தொடங்கி 68 நாட்கள் முடிந்த நிலையில் இன்னும் பிக்பாஸ் வீட்டில் 12 போட்டியாளர்கள் உள்ளனர். இன்னும் நான்கு அல்லது ஐந்து வாரங்களில் இறுதிப் போட்டி நடைபெற உள்ள நிலையில் வாரம் ஒருவர் என்ற வகையில் 4 பேர் வெளியிடப்பட்டாலும் இறுதிப்போட்டிக்கு 8 பேர்கள் வரை இருப்பார்கள்.

ஆனால் வழக்கமாக இறுதிப் போட்டியில் நான்கு பேர்கள் தான் இருப்பார்கள் என்ற வகையில் ஒன்று போட்டியின் நாட்களை அதிகப்படுத்த வேண்டும் அல்லது டபுள் எவிக்சன் செய்யப்பட வேண்டும் என்பதுதான் இப்போதைய நிலையாக உள்ளது.

போட்டியின் நாட்களை அதிகப்படுத்த வாய்ப்புகள் குறைவு என்பதால் இந்த வாரம் முதல் அடுத்த ஒரு சில வாரங்களுக்கு டபுள் எவிக்சன் இருக்கும் என்று எதிர்பார்க்கப்படுகிறது. பொதுமக்கள் அளிக்கும் வாக்குகளின் அடிப்படையில் ஒருவரும், பிக்பாஸ் விதிமுறைகளை மீறிய வகையில் இன்னொருவரும் என இரண்டு பேர் வெளியேற்றப்பட வாய்ப்பு இருப்பதாக கூறப்படுவதால் பெரும் பரபரப்பு ஏற்பட்டுள்ளது.

இந்த வாரம் முதல் பிக்பாஸ் வீட்டில் டபுள் எவிக்சன் இருக்குமா? என்பதை இந்த வார இறுதியில் தெரிந்துகொள்வோம்.