Advertisement

ஜெயம் ரவியின் பூமி படம் சன் டிவி-யில் ஒளிபரப்ப உள்ளதாக தகவல்!

By: Monisha Wed, 21 Oct 2020 6:27:34 PM

ஜெயம் ரவியின் பூமி படம் சன் டிவி-யில் ஒளிபரப்ப உள்ளதாக தகவல்!

ஜெயம் ரவியின் பூமி படத்தை வருகிற தீபாவளி பண்டிகைக்கு நேரடியாக சன் டிவி-யில் ஒளிபரப்ப உள்ளதாக தகவல் வெளியாகியுள்ளது.

தமிழ் சினிமாவின் முன்னணி நடிகரான ஜெயம் ரவியின் 25-வது படம், 'பூமி'. இந்த படத்தை லட்சுமண் இயக்கி உள்ளார். இவர் ஏற்கனவே ஜெயம் ரவி நடித்த ரோமியோ ஜூலியட், போகன் ஆகிய படங்களை இயக்கியவர். இதில் ஜெயம் ரவிக்கு ஜோடியாக நிதி அகர்வால் நடித்துள்ளார். சரண்யா பொன்வண்ணன், சதீஷ், தம்பி ராமையா ஆகியோரும் முக்கிய கதாபாத்திரங்களில் வருகிறார்கள். இப்படத்தை ஹோம் மூவி மேக்கர்ஸ் பட நிறுவனம் சார்பில் சுஜாதா தயாரித்துள்ளார்.

பூமி படத்தை கடந்த மே மாதம் வெளியிட திட்டமிட்டு இருந்தனர். கொரோனா அச்சுறுத்தல் காரணமாக திட்டமிட்டபடி படம் ரிலீசாகவில்லை.

jayam ravi,bhoomi,sun tv,deepavali,nithi agarwal ,ஜெயம் ரவி,பூமி,சன் டிவி,தீபாவளி, நிதி அகர்வால்

திரையரங்குகள் திறக்கப்படாத காரணத்தால், இப்படத்தை நேரடியாக ஓடிடி தளத்தில் வெளியிட படக்குழு திட்டமிட்டுள்ளதாக கடந்த சில தினங்களுக்கு முன் செய்திகள் வெளியானது.

ஆனால் அதில் தற்போது ஒரு சிறிய மாற்றம் செய்யப்பட்டுள்ளதாம். அது என்னவென்றால், பூமி படத்தை வருகிற தீபாவளி பண்டிகைக்கு நேரடியாக சன் டிவி-யில் ஒளிபரப்ப உள்ளார்களாம். இதற்காக பெருந்தொகை கொடுக்கப்பட்டுள்ளதாம். டிவி-யில் ஒளிபரப்பிய பின்னரே சன் நெக்ஸ்ட் ஓடிடி தளத்தில் படம் வெளியாகும் என கூறப்படுகிறது. இதற்கான அறிவிப்பு விரைவில் வெளியாகும் என எதிர்பார்க்கப்படுகிறது.

Tags :
|
|