சிம்புவின் படத்தில் இணைந்த பிரியாபவானிசங்கர்!

சிம்புவின் அடுத்த படத்தின் டைட்டில் 'பத்து தல' என்று வைக்கப்பட்டுள்ளது. இந்தப் படம் கன்னடத்தில் சூப்பர் ஹிட்டான 'முஃப்தி' என்ற படத்தின் தமிழ் ரீமேக். இந்தப் படத்தை கிருஷ்ணா என்பவர் இயக்க உள்ளார். மேலும் இந்த படத்தில் சிம்புவுடன், கௌதம் கார்த்திக் முக்கிய வேடத்தில் நடிக்க உள்ளார். இந்த படத்தின் படப்பிடிப்பு விரைவில் தொடங்க உள்ளதாகவும் செய்திகள் வெளியாகின.

இந்த நிலையில் இந்த படத்தில் தற்போது கமல்ஹாசன் நடித்து வரும் 'இந்தியன் 2' உள்பட ஒருசில படங்களில் நடித்துக்கொண்டிருக்கும் பிரியாபவானிசங்கர் இணைய உள்ளது உறுதி செய்யப்பட்டுள்ளது. இந்த படத்தில் கௌதம் கார்த்திக் ஜோடியாக பிரியா பவானிசங்கர் நடிக்க இருப்பதாக இயக்குனர் கிருஷ்ணா தெரிவித்துள்ளார்.

இது தொடர்பாக அவர் கூறுகையில், "இந்த படத்தில் தாசில்தார் கேரக்டருக்கு ஒரு தமிழ் பெண்ணை தேடிக் கொண்டிருந்தேன். இந்த படத்தில் இடம்பெற்றுள்ள தாசில்தார் கேரக்டருக்கு பிரியா பவானி சங்கர் பொருந்துவார் என்று முடிவு செய்தேன்.

அவருடைய முந்தைய படங்களை பார்த்தபோது அவருடைய இயற்கையான நடிப்பு என்னை மிகவும் கவர்ந்தது. எனவே, அவரை இந்த கேரக்டருக்கு தேர்வு செய்தேன். மேலும், இந்த படத்தின் தாசில்தார் கேரக்டர் மிகவும் போல்டான, தன்னிச்சையாக முடிவு எடுக்கும் ஒரு கேரக்டர். இந்த கேரக்டர் பிரியாவுக்கு நல்ல புகழை பெற்று தரும் என்றும் அவர் கூறினார்.

'பத்து தல' படத்தில் கௌதம் கார்த்திக் ஜோடியாக ப்ரியா பவானி சங்கர் நடிக்க இருப்பது உறுதி செய்யப்பட்டுள்ளதை அடுத்து சிம்புவின் கேரக்டருக்கு ஜோடி இல்லை என்றாலும் தமிழ் ரீமேக்கில் அவருக்கு ஜோடி இருக்குமா? என்று வரும் நாட்களில் பார்ப்போம்.