- வீடு›
- பொழுதுபோக்கு›
- நடிகர் விஜய்சேதுபதியின் மகளுக்கு பாலியல் மிரட்டல்; பாடகி சின்மயி கடும் கண்டனம்
நடிகர் விஜய்சேதுபதியின் மகளுக்கு பாலியல் மிரட்டல்; பாடகி சின்மயி கடும் கண்டனம்
By: Monisha Tue, 20 Oct 2020 5:57:10 PM
நடிகர் விஜய்சேதுபதியின் மகளுக்கு நெட்டிசன் ஒருவர் பாலியல் மிரட்டல் விடுத்துள்ளதற்கு பாடகி சின்மயி கடும் கண்டனம் தெரிவித்துள்ளார்.
இலங்கை கிரிக்கெட் அணியின் நட்சத்திர வீரரான முத்தையா முரளிதரனின் வாழ்க்கையை மையப்படுத்தி ‘800’ என்கிற படத்தை உருவாக்க திட்டமிட்டு இருந்தனர். இதில் முரளிதரனாக விஜய் சேதுபதி நடிக்க உள்ளதாக அறிவிப்பு வெளியானது.
இதையடுத்து விஜய் சேதுபதி இப்படத்தில் இருந்து விலக வேண்டும் என அரசியல் தலைவர்களும், சினிமா பிரபலங்களும் தொடர்ந்து வலியுறுத்தி வந்தனர். எதிர்ப்புகள் அதிகரித்ததால் இப்படத்தில் இருந்து விலகுவதாக நடிகர் விஜய் சேதுபதி நேற்று அறிவித்தார்.
இந்நிலையில், நடிகர் விஜய்சேதுபதியின் மகளுக்கு நெட்டிசன் ஒருவர் சமூக வலைதளத்தில் பாலியல் மிரட்டல் விடுத்துள்ள சம்பவம் பரபரப்பை ஏற்படுத்தி உள்ளது.
இதற்கு கண்டனம் தெரிவித்துள்ள பாடகி சின்மயி, "கருத்து வேறுபாடை தெரிவிக்கும் ஒரு தமிழ் மகன். அதான் சமுதாயத்தில் இருக்கும் பாலியல் குற்றவாளிங்களுக்கு ஆதரவா நிக்கிறாங்க இந்த ஊர்ல. இதை மாற்ற யாருமே இல்லையா?, பொதுவெளியில் குழந்தைக்கு பாலியல் மிரட்டல் விடுப்பவனும் குற்றவாளி தான்" என காட்டமாக பதிவிட்டுள்ளார்.