இந்த வாரம் கேரட் தான் எங்கள் வீட்டின் மெனு...நடிகை சமந்தா

தமிழ், தெலுங்கு திரையுலகில் திருமணத்திற்கு பின்னரும் பிஸியாக நடித்து வருபவர் நடிகை சமந்தா, இந்த கொரோனா விடுமுறையில் மற்ற நடிகைகளைப் போல் கவர்ச்சியான புகைப்படங்களை பதிவு செய்து தனக்கு தானே விளம்பரம் தேடாமல், உருப்படியான விஷயத்தை செய்து வருகிறார்.

தனது வீட்டின் மொட்டை மாடியில் இயற்கை விவசாயம் செய்து வரும் சமந்தா அதுகுறித்த புகைப்படங்களையும் வீடியோக்களையும் அவ்வப்போது வெளியிட்டு வருகிறார். அவரது இந்த முயற்சிக்கு பாராட்டுக்கள் குவிந்து வருகிறது.

இந்த நிலையில் சமந்தா தன்னுடைய முயற்சியால் விளைந்த செடிகளில் உள்ள கேரட்டுகளுடன் கூடிய ஒரு புகைப்படத்தை பதிவு செய்துள்ளார். கொத்துக் கொத்தாக கேரட் காய்த்துள்ள செடிகளை கையில் வைத்திருக்கும் சமந்தாவின் இந்த புகைப்படம் தற்போது வைரலாகி வருகிறது.

இந்த நிலையில் சமந்தா தனது சமூக வலைத்தளத்தில் இந்த வாரம் முழுவதும் கேரட் தான் எங்கள் வீட்டின் மெனு என்று கூறியுள்ளார். அதாவது கேரட் ஜூஸ், கேரட் பச்சடி, கேரட் அல்வா, கேரட் பக்கோடா, கேரட் ப்ரை, கேரட் இட்லி, கேரட் சமோசா என்று அவர் குறிப்பிட்டுள்ளார். சமந்தாவின் இந்த பதிவுக்கு நெட்டிசன்கள் அதிகளவில் கமெண்ட்டுக்களை பதிவு செய்து வருகின்றனர்.