மாளவிகா மோகனன் நடிக்க இருக்கு வெப்தொடரில் இணைந்த விஜய் சேதுபதி

தளபதி விஜய் நடித்த 'மாஸ்டர்' திரைப்படம் வரும் பொங்கல் விருந்தாக வெளியாக இருக்கும் நிலையில் இந்த படத்தின் வில்லனாக மக்கள் செல்வன் விஜய் சேதுபதியும் நாயகியாக மாளவிகா மோகனனும் நடித்துள்ளார்கள்.

இந்த நிலையில் மாளவிகா மோகனன் மீண்டும் விஜய் சேதுபதியுடன் இணைந்து நடிக்க உள்ளதாக தகவல்கள் வெளிவந்துள்ளன. 'மாஸ்டர்' படத்தை அடுத்து ஹிந்தியில் ஒரு வெப்தொடரில் மாளவிகா மோகனன் நடிக்க இருப்பதாகவும் இந்த தொடரின் நாயகனாக சாஹித் கபூர் நடிக்க இருப்பதாகவும் தகவல் வெளியாகி உள்ளது.

இந்த நிலையில் தற்போது இந்த வெப்தொடரில் ஒரு முக்கிய கேரக்டரில் விஜய் சேதுபதி நடிக்க இருப்பதாக செய்திகள் வெளியாகி உள்ளது. எனவே ‘மாஸ்டர்’ படத்தை அடுத்து மீண்டும் விஜய் சேதுபதி மற்றும் மாளவிகா மோகனன் இணைந்து நடிக்கின்றனர்.

இந்த தொடரின் படப்பிடிப்பு விரைவில் தொடங்க இருப்பதாகவும் இந்த தொடர் அமேசான் ஓடிடி தளத்தில் அடுத்த ஆண்டு ஒளிபரப்பாக உள்ளது என்பது குறிப்பிடத்தக்கது.