பெண்களின் முக்கிய தேவைகளில் ஒன்றான ஹேண்ட் பேக் வாங்கும்போது கவனிக்க வேண்டியவை!

பெண்களுக்கு அழகிய ஹேண்ட் பேக் அவர்களின் அடையாளங்களில் ஒன்று. அன்றாடத் தேவை என்றாலும், அவசரத் தேவையென்றாலும், அவர்களது கைகள் முதலில் தேடுவது ஹேண்ட் பேக்கைத்தான். ஏனெனில் பணமாக இருக்கலாம் அல்லது அடையாள அட்டையாக, உணவுப் பொருளாக, மேக்கப் உபகரணங்களாக, இப்படி தேவையான எதுவாக இருந்தாலும், எல்லாம் கைப்பைக்குள்தான் அடைக்கலமாகி இருக்கும். ஹேண்ட் பேக்கை வாங்கும்போது கவனிக்க வேண்டிய சில குறிப்புகளை இப்போது பார்க்காலம்!

1. முதலில் கைப்பிடியை முதலில் கவனியுங்கள். உறுதியான கைப்பிடி அவசியம். உங்கள் வசதிக்கேற்ற நீளத்தில் கைப்பிடி இருக்கிறதா என பாருங்கள்.

2. தையல்கள், இணைப்புகளை சோதித்துப் பாருங்கள்.

3. உங்கள் தேவைகள் அனைத்தும் பூர்த்தி ஆகிறதா என்பதை கவனியுங்கள். அதில் சமரசம் செய்ய வேண்டாம்.

4. வடிவமும், அளவும், அழகும் அவசியம். உங்கள் தேவைக்கேற்ற அளவில், நீங்கள் விரும்பும் அழகில் இருக்கிறதா என்பதை கவனியுங்கள். உள்ளே உங்களுக்கு போதுமான அளவுக்கு அறை, ஜிப்கள் இருக்கிறதா என்பதையும் கவனித்து வாங்குங்கள்.

5. தரம் மற்றும் உறுதிக்கு சான்றிதழ், வாரண்டி, கியாரண்டி ஏதும் தருகிறார்களா? என்பதை கவனத்தில் கொள்ளுங்கள்.

6. விலை குறைந்ததை வாங்கிவிட்டு, ஒருசில மாதங்களிலே அதனை பரணில் ஒதுக்கிப் போட்டு விடுவதை தவிர்க்க, விலை சற்று அதிகமாக இருந்தாலும் தரமானதை தேர்ந்தெடுங்கள்.

7. புதிய மாடல், புதிய பொருளில் தயாரிக்கப்பட்ட பைகளை வாங்கினால், அதை எப்படி பராமரிக்க வேண்டும் என்பதை கேட்டு தெரிந்து கொள்ள வேண்டும். அதற்கான உபகரணங்களை வாங்கி வைத்துக் கொள்ள வேண்டும்.