Advertisement

பெண்களை அதிகம் கவர்ந்த உடைகள் பற்றி தெரிந்து கொள்ளுங்கள்!!

By: Monisha Sat, 15 Aug 2020 12:10:46 PM

பெண்களை அதிகம் கவர்ந்த உடைகள் பற்றி தெரிந்து கொள்ளுங்கள்!!

உலகெங்கிலும் மக்கள் அணியும் உடைகளில் இந்திய உடைகள் நேர்த்தியான உடைகளாகக் கருதப்படுகின்றன. இந்திய உடைகளில் இருக்கும் பலவகையான வேலைப்பாட்டிற்கு ஈடு இணையே இல்லை என்று சொல்லலாம். அதற்கு மிகச் சிறப்பான சான்று, நம்நாட்டு புடவை மற்றும்ஆடைகளுக்கு வெளிநாட்டு சந்தையில் அதிகமான வரவேற்பு இருப்பதுதான். இப்பொழுது பெண்களால் அணிந்து கொள்ளப்படும் நாகரீகமான ஆடைகள் பற்றித் தெரிந்து கொள்வோம்.

ஒன் பீஸ் ஆடை
இந்த ஆடையானது கழுத்து முதல் கணுக்கால் வரை நம் உடல் அமைப்பிற்கு ஏற்றார்போல் வடிவமைக்கப்பட்டிருக்கும் நீளமான அங்கி போன்ற ஆடையாகும். இவை பெரும்பாலும் அதிக வேலைப்பாடுகளுடன் விருந்து மற்றும் வரவேற்பு நிகழ்ச்சிகளுக்கு அணிந்து கொள்வது போல் சேட்டின் சில்க் மற்றும் காட்டன் துணிகளில் வடிவமைக்கப்படுகின்றன.

women,fashion,clothing,beauty,design ,பெண்கள்,பேஷன்,ஆடை,அழகு,டிசைன்

சல்வார் கமீஸ்
இதில் உடலின் மேற்புறம் அணியும் டாப்பானது சரிகையுடன் வரும் லேஸ் அல்லது சாதாரண லேஸ்களுடன் மிகவும் அற்புதமாக வடிவமைக்கப்பட்டு அதற்கு அணியும் பேன்ட்டுகள் அதிக பளபளப்பில்லாதவாறு வந்திருக்கின்றன. இவற்றை துப்பட்டாவுடனும் அவை இல்லாமலும் அணியலாம்.

அனார்கலி சூட்
சல்வார் கமீஸின் மற்றொரு பாணி என்று இதைக் கூறலாம். கழுத்திலிருந்து இடுப்பு வரை உடலைச் சிக்கென பிடித்ததுபோல் இருக்க இடுப்பிலிருந்து சிறிது சிறிதாக அகன்ற ஃப்ளோர்களுடன் கணுக்கால் வரை நீண்டிருக்கும். இவை திருமண வைபோகங்களுக்கு அணிய ஏற்றவை. பேன்ட்டானது சுடிதார் மாடலில் இருக்க மிகவும் ஆடம்பரமான துப்பட்டாவுடன் உங்களின் தோற்றத்தை பிரம்மாண்டமாக காட்ட உதவுகின்றன இந்த அனார்கலி ஆடைகள். மணப்பெண்கள் அணிந்து கொள்ளக்கூடிய பிரத்யேகமான அனார்கலி ஆடைகள் மிகவும் கம்பீரமாகவும், அழகிய தோற்றத்தை தரும் வகையிலும் வந்துள்ளன. பேட்ச்வொர்க் செய்யப்பட்டு வரும் அனார்கலி ஆடைகளைப் பெண்கள் அதிகம் விரும்பத்தான் செய்கிறார்கள்.

women,fashion,clothing,beauty,design ,பெண்கள்,பேஷன்,ஆடை,அழகு,டிசைன்

நெட் குர்தா
இந்தியப் பெண்களால் அதிகம் விரும்பி அணியப்படும் சமீபத்திய குர்தா என்று இவற்றை சொல்லலாம். இந்த நீண்ட குர்தாவில் நெட் (வலை) வேலைப்பாடு செய்யப்பட்டிருப்பது அழகிற்கு அழகு கூட்டுவதாக உள்ளது. குர்த்தியின் உள் துணியின் பிரிண்டானது மேற்புறம் இருக்கும் வலை போன்ற துணியின் வழியாகத் தெரிவது மிகவும் அழகான தோற்றத்தை தருகின்றன. அதே போல் கணுக்கால் வரை நீண்டிருக்கும் ஃப்ளேர் உள்ள குர்தாவின் மேல் ஜாக்கெட் போன்று அதுவும் கணுக்கால் வரை நீண்டிருப்பது போல் வடிவமைக்கப்பட்டிருப்பது மிகவும் ரிச்சான தோற்றத்தைத் தருவதாக உள்ளது.

பிரின்டட் லெஹங்கா
இடுப்பிலிருந்து நீண்டு அகன்றிருக்கும் பாவாடை, மார்பை மறைக்கும் சோளி, அழகான வேலைப்பாட்டுடன் இருக்கும் துப்பட்டா இவற்றில் அழகான பிரின்டட் செய்யப்பட்டிருக்கும் ஆடையைக் கற்பனை செய்தாலே இவ்வளவு அழகாக இருக்கிறதல்லவா? இந்த செட்களில் வரும் சோளிகள் பெரும்பாலும் குட்டையாகவும், கவர்ச்சிகரமாகவும் வடிவமைக்கப்படுகின்றன.

Tags :
|
|