விடுமுறைக்கு மாணவர்கள் வீட்டுக்கு செல்வதற்கு முன் தனிமைப்படுத்த வலியுறுத்தல்
By: Nagaraj Fri, 11 Dec 2020 10:05:17 AM
தனிமைப்படுத்த வேண்டும்... இந்த ஆண்டு விடுமுறைக்கு வீட்டிற்குச் செல்வதற்கு முன்பு ஒன்றாரியோ மாணவர்களை ஒரு குறிப்பிட்ட காலத்திற்கு தனிமைப்படுத்துமாறு ரொறன்ரோவின் சுகாதார மருத்துவ அதிகாரி எலைன் டி வில்லா கேட்டுக்கொண்டுள்ளார்.
இதுகுறித்து ஊடகவியலாளர் சந்திப்பில் கலந்துக்கொண்டு கருத்து தெரிவித்த எலைன் டி வில்லா, “விடுமுறை பயணம் என்று வரும்போது, மாணவர்கள் ஒரு விதிவிலக்கு. இந்த விடுமுறை நாட்களில் தங்குமிடங்கள் கதவுகளை மூடுவதால் நிறைய மாணவர்கள் வீட்டிற்கு பயணிக்க வேண்டிய கட்டாயத்தில் இருப்பார்கள் என்று தனக்குத் தெரியும்.
இருப்பினும், அடுத்த சில வாரங்களில் மாணவர்கள் தங்கள் குடும்பத்தை
பாதுகாப்பாக வைத்திருக்கிறார்கள் என்பதை உறுதிப்படுத்த மாணவர்கள்
எடுக்கக்கூடிய நடவடிக்கைகள் இன்னும் உள்ளன.
அந்தச் சூழ்நிலைகளில்
செய்யக்கூடிய பாதுகாப்பான விஷயம், அவர்களைப் பொறுத்தவரை,
தனிமைப்படுத்துவதும், வீட்டிற்கு வருவதற்கு முன்பு முடிந்தவரை சுயமாக
தனிமைப்படுத்துவதும் ஆகும்” என கூறினார்.