கத்தரிக்காய் உருளைக்கிழங்கு ப்ரை செய்வது எப்படி?

இன்று நாம் வித்தியாசமான முறையில் கத்தரிக்காய் உருளைக்கிழங்கு ப்ரை செய்வது எப்படி என்று பார்ப்போம்

தேவையானவை
கத்தரிக்காய் – 100 கிராம், உருளைக்கிழங்கு – 100 கிராம், மிளகாய் தூள் – 1 தேக்கரண்டி, மிளகுத்தூள் – 1 தேக்கரண்டி, மஞ்சள் தூள் – 1/2 தேக்கரண்டி, உப்பு – தேவையான அளவு

தாளிக்க
எண்ணெய் – 4 மேஜைக்கரண்டி, கடுகு – 1 தேக்கரண்டி, உளுந்தம் பருப்பு – 1/2 தேக்கரண்டி, பெரிய வெங்காயம் – 3/4, கறிவேப்பிலை – சிறிது, மல்லித் தழை – சிறிது

செய்முறை:
முதலில் உருளைக்கிழங்கை குக்கரில் போட்டு வேக வைத்து தோலுரித்துசிறிய துண்டுகளாக வெட்டி வைத்துக் கொள்ளவும். பின்பு கத்தரிக்காயை சிறிய துண்டுகளாக வெட்டி தண்ணீரில் போட்டு வைக்கவும். வெங்காயத்தை பொடிதாக நறுக்கிக் கொள்ளவும். பின்னர் அடுப்பில் கடாயை வைத்து எண்ணெய் ஊற்றி சூடானதும் கடுகு போட்டு தாளிக்கவும். இதில் கடுகு வெடித்தவுடன் உளுந்தம் பருப்பு, கறிவேப்பிலை, வெங்காயம் சேர்த்து வதக்கி கொள்ளவும்.

பின்னர் வெங்காயம் பாதி வதங்கியதும் உப்பு, மிளகாய் தூள், மிளகுத்தூள், மஞ்சள் தூள் சேர்த்து ஒரு நிமிடம் கிளறி விடவும். அதன் பிறகு வெட்டி வைத்துள்ள கத்தரிக்காய் துண்டுகளை சேர்த்து மிதமான சூட்டில் வைத்து வதக்கி விடவும். இதில் நன்கு வெந்ததும் உருளைக்கிழங்கை சேர்த்து அடுப்பை சிம்மில் வைத்து 2 நிமிடம் கிளறி மல்லித் தழை தூவி அடுப்பிலிருந்து இறக்கி வைக்கவும்.