Advertisement

அன்னாசிப்பழ கேசரி மிக சுவையாக செய்வது எப்படி?

By: Sonia Wed, 30 Dec 2020 2:07 PM

அன்னாசிப்பழ கேசரி மிக சுவையாக செய்வது எப்படி?

இனிப்பு பிரியர்கள் அனைவரும் விரும்பும் வகையில் அசத்தலான சுவையில் அன்னாசிப்பழ கேசரி மிக எளிதாக செய்வது எப்படி என்று இந்த பதிவில் காணலாம்.

தேவையான பொருட்கள்
ரவா- 1 கப் (வறுத்தது)
சர்க்கரை- 3/4 கப்
அன்னாசிப்பழம்- 1 கப் (பொடியாக நறுக்கியது)
முந்திரி பருப்பு- 6
உலர் திராட்சை- 7
தண்ணீர்- 3 கப்
நெய்- 3 டீஸ்பூன்
ஏலக்காய்த்தூள்- தேவையான அளவு

pineapple,kesari,sweet,sugar,taste ,அன்னாசிப்பழம்,கேசரி,இனிப்பு,சர்க்கரை,சுவை

செய்முறை
முதலில் ரவையை சிறிது நெய் விட்டு லேசாக வறுத்துக்கொள்ளவும். அதே கடாயில் ஒரு டீஸ்பூன் நெய்விட்டு முந்திரி மற்றும் திராட்சையை பொரித்து தனியாக வைத்துக் கொள்ளவும். அடி கனமான பாத்திரத்தில் தண்ணீர் ஊற்றி அடுப்பில் வைத்து கொதி வந்தவுடன் அடுப்பை மிதமான சூட்டில் வைத்து ரவையை லேசாக தூவிகொண்டே கட்டிபடாமல் கிளறிவிடவும். ஓரளவு ரவை வெந்து வந்தவுடன் சர்க்கரையை கொட்டி கிளறவும்.

பின் அதனுடன் நறுக்கிய அன்னாசிப் பழத்தை சேர்த்து கிளறிவிடவும். சிறிதுநேரத்தில் நன்றாக வெந்தவுடன் இரண்டு ஸ்பூன் நெய் விட்டு கிளறவும். பின்னர் தனியாக வறுத்து வைத்துள்ள முந்திரி, திராட்சை, ஏலக்காய்த்தூள் சேர்த்து கலந்து விடவும். அனைத்தும் ஒன்று சேர்ந்து ஒரு சுவையான அன்னாசிப்பழ கேசரி தயார்.

Tags :
|
|
|