சுலபமாக சுவையான பிரெட் வடை செய்வது எப்படி?

மாலையில் டீ, காபியுடன் சாப்பிட வடை மிகவும் அருமையாக இருக்கும். இன்று சுலபமாக பிரெட் வடை செய்வது எப்படி என்று பார்க்கலாம்.

தேவையான பொருட்கள்
பிரெட் துண்டுகள் - 6,
உளுத்தம் பருப்பு - 100 கிராம்,
வெங்காயம் - 2,
இஞ்சி - சிறு துண்டு,பச்சை மிளகாய் - 1,
கறிவேப்பிலை - சிறிதளவு,
எண்ணெய், உப்பு - தேவையான அளவு.

செய்முறை
வெங்காயம், பச்சை மிளகாய், இஞ்சியைப் பொடியாக நறுக்கி கொள்ளவும். உளுத்தம் பருப்பை ஒரு மணி நேரம் ஊற வைத்து பின் அதிலிருக்கும் தண்ணீரை களைந்து, உப்பு, பச்சை மிளகாய், இஞ்சி சேர்த்துக் கெட்டியாக அரைக்கவும். பிரெட்டை பொடித்துக் கொள்ளவும்.

அரைத்த மாவுடன் பிரெட் தூள், வெங்காயம், கறிவேப்பிலை போட்டு நன்றாக பிசைந்து கொள்ளவும். கடாயில் எண்ணெய் ஊற்றி, காய்ந்ததும் அடுப்பை மிதமான தீயில் வைத்து, மாவை வடைகளாகத் தட்டிப் போட்டு, பொன்னிறமாகப் பொரித்தெடுக்கவும். சூப்பரான பிரெட் வடை ரெடி.