Advertisement

குழந்தைகளுக்கு விருப்பமான பேரீச்சம் பழ கேக் செய்வது எப்படி?

By: Monisha Mon, 31 Aug 2020 5:31:58 PM

குழந்தைகளுக்கு விருப்பமான பேரீச்சம் பழ கேக் செய்வது எப்படி?

பேரீச்சம் பழத்தில் இரும்புசத்து உள்ளது. இப்போது சத்து நிறைந்த பேரீச்சம் பழ கேக் செய்வது எப்படி என்று பார்க்கலாம். இதை குழந்தைகள் விரும்பி சாப்பிடுவார்கள்.

தேவையான பொருட்கள்
பேரீச்சம்பழம் – 25 (விதை நீக்கப்பட்டது )
மைதா – 1 கப்
பால் – 3 /4 கப்
சர்க்கரை – 3 /4 கப்
சமையல் சோடா – 1 தேக்கரண்டி
எண்ணெய் – 1 /2 கப்
அக்ரூட், முந்திரி – தேவையான அளவு

செய்முறை
பேரீச்சம்பழத்தை விதை நீக்கிவிட்டு பாலில் 20 நிமிடங்கள் ஊற வைக்கவும்.பேரீச்சம் பழம் நன்றாக ஊறியதும் அதனுடன் சர்க்கரை சேர்த்து நன்றாக அரைத்துக் கொள்ளவும். நன்றாக அரைத்த விழுதுடன் எண்ணெய் சேர்த்து நன்றாக கலந்து கொள்ளவும்.மற்றொரு பாத்திரத்தில் மைதா, சமையல் சோடா இரண்டையும் சேர்த்து நன்றாக கலந்து கொள்ளவும்.கலந்த மாவை அரைத்த விழுதுடன் சிறிது சிறிதாக சேர்த்து கட்டிஇல்லாமல் நன்றாக கலக்கவும். இறுதியாக அக்ரூட், முந்திரி ஆகியவற்றை சேர்த்து கலந்து கொள்ளவும். பேக்கிங் பானில் வெண்ணெய் தடவி பின்னர் கலவையை ஊற்றி பரப்பவும்.மைக்ரோவேவ் ஓவன் 350 தி ல் சூடு பண்ணவும். பின்னர் பேக்கிங் பேனை வைத்து 350 திஇல் 35 – 40 நிமிடங்களுக்கு பேக் செய்யவும். சூப்பரான பேரீச்சம்பழ கேக் தயார்.

Tags :
|
|