சுவைமிகுந்த கொத்தமல்லியில் சட்னி செய்வது எப்படி?

கொத்தமல்லியின் வேர், தண்டு, இலை, விதை என அனைத்துமே மருத்துவ குணம் வாய்ந்தது. இந்த பதிவில் கொத்தமல்லியில் சட்னி செய்வது எப்படி என்று பார்க்கலாம்.

தேவையானவை
கொத்தமல்லி – 1 கட்டு
வெங்காயம் – 2 (நறுக்கியது)
தக்காளி – 1
வரமிளகாய் – 5
தேங்காய் – 1/2 கப் (துருவியது)
உளுத்தம் பருப்பு – 1 டேபிள் ஸ்பூன்
கடலைப் பருப்பு – 1 டேபிள் ஸ்பூன்
உப்பு – தேவையான அளவு
எண்ணெய் – தேவையான அளவு

செய்முறை
முதலில் கொத்தமல்லியின் இலைகளை ஆய்ந்து, நீரில் அலசி தனியாக வைத்துக் கொள்ள வேண்டும். பிறகு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், உளுத்தம் பருப்பு மற்றும் கடலைப் பருப்பை போட்டு தாளிக்கவும்.

பின் வரமிளகாயை போட்டு வதக்கவும். அடுத்து நறுக்கி வைத்துள்ள வெங்காயம், உப்பு மற்றும் தக்காளியை போட்டு நன்கு பொன்னிறமாக வதக்கவும். பின்னர் துருவிய தேங்காய் மற்றும் கொத்தமல்லியை போட்டு நன்கு வதக்கி, அடுப்பில் இருந்து இறக்கி விட வேண்டும். சூடானது ஆறியதும், அதனை மிக்ஸியில் போட்டு அரைத்துக் கொள்ள வேண்டும். சுவைமிகுந்த கொத்தமல்லியில் சட்னி ரெடி!