சுவை மிகுந்த ஓட்ஸ் லட்டு செய்வது எப்படி?

லட்டு வகைகளை குழந்தைகள் மிகவும் விரும்பி சாப்பிடுவார்கள். இன்று நாம் புது வகையான ஓட்ஸ் லட்டு செய்வது எப்படி என்று பார்க்கலாம்.

தேவையான பொருட்கள்
குயிக் குக்கிங் ஓட்ஸ் - 1 கப்
பொடித்த வெல்லம் -1/3 - 1/2 கப்
நெய், தேவையான அளவு
முந்திரி -10
உலர் திராட்சை -20
பாதாம் 5
ஏலக்காய் பொடி -ஒரு சிட்டிகை

செய்முறை
ஓட்ஸை நன்றாக வறுக்கவும். பின்பு அதை குளிர்வித்து, பொடித்து, அதனுடன் பொடித்த வெல்லத்தைச் சேர்க்கவும். முந்திரி மற்றும் பாதாமை தனித்தனியாக வறுத்து, பொடியாக நறுக்கி, பொடித்துவைத்துக் கொள்ளவும். ஒரு பாத்திரத்தில் ஓட்ஸ், வெல்லம், ஏலக்காய் பொடி, முந்திரி, பாதாம் ஆகியவற்றை சேர்த்து கலக்கவும். ஒரு தேக்கரண்டி நெய்யை சூடாக்கி, திராட்சையை அதில் போட்டு வறுக்கவும், அவை உப்பியவுடன், அதில் ஓட்ஸ் கலவையைச் சேர்க்கவும். நெய்யை உருக்கி, அதில் இந்தக் கலவையைக் கொட்டி, கொஞ்சம் கொஞ்சமாக கலக்கவும். நன்றாக கலக்கிவிட்டு, பந்துகளாகப் பிடிக்கவும். அப்போது நெய் சூடாக இருப்பதை உறுதி செய்துகொள்ளவும்.