சுவையான உருளைக்கிழங்கு லாலி பாப் செய்வது எப்படி?

குழந்தைகளுக்கு மிகவும் பிடித்த சுவையான உருளைக்கிழங்கு லாலி பாப் செய்வது எப்படி என்று பார்க்கலாம்.

தேவையான பொருட்கள்
உருளை கிழங்கு -5
உப்பு - தேவைக்கு
எண்ணெய் - பொரிக்க தேவையான அளவு
சாட் மசாலா - 1/2 தேக்கரண்டி
மிளகாய் தூள் - 1 தேக்கரண்டி
பூண்டு பொடி - 1 தேக்கரண்டி
ரெட் கலர் - பின்ச்
பட்டை தூள் - 1/4 தேக்கரண்டி
சீரக தூள் - 1 தேக்கரண்டி
சோள மாவு- 1 தேக்கரண்டி (தண்ணீரில் கரைத்து கொள்ளுங்கள்)
பிரட் தூள்
பிரட் ஸ்டிக் ( ஒன்றை பாதியாக உடைத்து பயன்படுத்தலாம்)

செய்முறை
உருளைக்கிழங்கை குக்கரில் வேக வைத்து ஆறியதும் தோல் நீக்கி நன்கு மசித்து கொள்ளுங்கள். மசித்த உருளைக்கிழங்குடன் கலர், உப்பு, மிளகாய் தூள், சாட் மசாலா, பூண்டு பொடி, பட்டை தூள், சீரக தூள் சேர்த்து நன்கு பிசைந்து கொள்ளவும். பிசைந்த கிழங்கை சிக்கனை போல் பிரட் ஸ்டிக்கில் வடிவமைத்து கொள்ளுங்கள். வடிவமைத்த உருளைக்கிழங்கை சோள கலவையில் முக்கி பிரட் தூளில் பிரட்டி எடுக்கவும். கடாயில் அடுப்பில் வைத்து எண்ணெய் ஊற்றி சூடானதும் பிரட்டிய கிழங்கை மிதமான நெருப்பில் பொரித்து எடுக்கவும். சுவையான உருளைக்கிழங்கு லாலி பாப்பை சாஸ் உடன் சூடாக பரிமாறவும்.