கேப்டன் விராட் கோலி ஐபிஎல் போட்டியில் 200-வது சிக்சரை எட்டி சாதனை

ஐபிஎல் தொடரில் நேற்று இரண்டு லீக் ஆட்டங்கள் நடைபெற்றது. இதன் முதல் ஆட்டத்தில் சென்னை சூப்பர் கிங்ஸ் - ராயல் சேலஞ்சர்ஸ் பெங்களூர் அணிகள் மோதின. இதில் டாஸ் வென்ற ஆர்.சி.பி. முதலில் பேட்டிங்கை தேர்வு செய்தது. விராட் கோலி 50 ரன்களும், டி வில்லியர்ஸ் 39 ரன்களும் அடிக்க ராயல் சேலஞ்சர்ஸ் பெங்களூர் 20 ஓவரில் 6 விக்கெட் இழப்பிற்கு 145 ரன்கள் அடித்தது.

சி.எஸ்.கே.வுக்கு எதிரான நேற்றைய ஆட்டத்தில் ராயல் சேலஞ்சர்ஸ் பெங்களூர் அணி கேப்டன் விராட் கோலி ஒரு சிக்சர் அடித்தார். ஐ.பி.எல் போட்டியில் அவரது 200-வது சிக்சர் ஆகும். 180-வது இன்னிங்சில் அவர் இதை எடுத்தார். 200-வது சிக்சர் அடித்த 5-வது வீரர் விராட் கோலி ஆவார். இந்திய வீரர்களில் டோனி, ரோகித் சர்மாவுக்கு அடுத்தபடியாக இருக்கிறார்.

ஐ.பி.எல். போட்டியில் 200 சிக்சர்களுக்கு மேல் அடித்த வீரர்களில் முதலில் கிறிஸ் கெய்ல் - 336 சிக்சரும், டிவில்லியர்ஸ் - 231 சிக்சருடன் 2-வதாகவும், டோனி - 216 சிக்சருடன் 3-வது இடத்திலும், ரோகித் சர்மா - 209 சிக்சருடன் 4-வது இடத்திலும், விராட் கோலி - 200 சிக்சருடன் 5 வது இடத்திலும் உள்ளனர்.

நேற்று நடந்த ஆட்டத்தின் இறுதியில், சென்னை சூப்பர் கிங்ஸ் 18.4 ஓவரில் 2 விக்கெட் இழப்பிற்கு 150 ரன்கள் எடுத்து 8 விக்கெட் வித்தியாசத்தில் வெற்றி பெற்றது. ருத்துராஜ் கெய்க்வாட் 51 பந்தில் 65 ரன்களும், எம்எஸ் டோனி 19 ரன்களுடனும் களத்தில் இருந்தனர். இந்த தோல்வியால் ஆர்சிபி-யின் பிளேஆஃப்ஸ் சுற்றை உறுதி செய்யும் வாய்ப்பு தள்ளிப் போகியுள்ளது.