Advertisement

  • வீடு
  • விளையாட்டு
  • கொல்கத்தா அணியை 8 விக்கெட் வித்தியாசத்தில் வீழ்த்தி கிங்ஸ் லெவன் பஞ்சாப் வெற்றி

கொல்கத்தா அணியை 8 விக்கெட் வித்தியாசத்தில் வீழ்த்தி கிங்ஸ் லெவன் பஞ்சாப் வெற்றி

By: Karunakaran Tue, 27 Oct 2020 11:07:30 AM

கொல்கத்தா அணியை 8 விக்கெட் வித்தியாசத்தில் வீழ்த்தி கிங்ஸ் லெவன் பஞ்சாப் வெற்றி

ஐபிஎல் தொடரின் 46-வது லீக் ஆட்டம் ஷார்ஜாவில் நடைபெற்றபோது, கொல்கத்தா நைட் ரைடர்ஸ் - கிங்ஸ் லெவன் பஞ்சாப் அணிகள் பலப்பரீட்சை நடத்தின. முதலில் விளையாடிய கொல்கத்தா நைட் ரைடர்ஸ் அணியில் ஷுப்மான் கில், மோர்கன் ஆகியோரைத் தவிர மற்ற பேட்ஸ்மேன்கள் நிதிஷ் ராணா, ராகுல் திரிபாதி, தினேஷ் கார்த்திக், சுனில் நரைன் சொற்ப ரன்களில் ஆட்டமிழக்க 20 ஓவரில் 9 விக்கெட் இழப்பிற்கு 149 ரன்களே அடித்தது.

பின்னர் 150 ரன்கள் அடித்தால் வெற்றி என்ற இலக்குடன் கிங்ஸ் லெவன் பஞ்சாப் அணி களமிறங்கியது. கேஎல் ராகுல், மந்தீப் சிங் ஆகியோர் தொடக்க வீரர்களாக களம் இறங்கினர். இருப்பினும், இருவராலும் தொடக்கத்தில் அதிரடியாக விளையாட முடியாத நிலை ஏற்பட்டது. கேஎல் ராகுல் 25 பந்தில் 28 ரன்கள் எடுத்த நிலையில் ஆட்டமிழந்தார். அப்போது பஞ்சாப் அணி 8 ஓவரில் 47 ரன்கள் எடுத்திருந்தது.

kings xi punjab,kolkata,8 wickets,ipl 2020 ,கிங்ஸ் லெவன் பஞ்சாப், கொல்கத்தா, 8 விக்கெட், ஐபிஎல் 2020

2-வது விக்கெட் இழப்பிற்கு மந்தீப் சிங் உடன் கிறிஸ் கெய்ல் ஜோடி சேர்ந்தார். இந்த ஜோடி அதிரடி ஆட்டத்தை வெளிப்படுத்தியது. பஞ்சாப் அணி 13.4 ஓவரில் 100 ரன்னைத் தொட்டது. மந்தீப் சிங் 49 பந்தில் அரைசதம் அடிக்க, கிறிஸ் கெய்ல் 25 பந்தில் 2 பவுண்டரி, 5 சிக்சருடன் அரைசதம் அடித்தார். பஞ்சாப் அணி 147 ரன்கள் எடுத்திருக்கும்போது கிறிஸ் கெய்ல் 29 பந்தில் 51 ரன்கள் எடுத்து ஆட்டமிழந்தார்.

பின்னர் அடுத்து நிக்கோலஸ் பூரன் களம் இறங்கினார். இறுதியில், பஞ்சாப் அணி 18.5 ஓவரில் 2 விக்கெட் இழப்பிற்கு 150 ரன்கள் எடுத்து 8 விக்கெட் வித்தியாசத்தில் அபார வெற்றி பெற்றது. மந்தீப் சிங் 56 பந்தில் 8 பவுண்டரி, 2 சிக்சருடன் 66 ரன்கள் எடுத்து ஆட்டமிழக்காமல் இருந்தார்.

Tags :