ரோகித் சர்மா நாளை இந்திய கிரிக்கெட் அணியுடன் இணைய உள்ளார்

ஆஸ்திரேலியா - இந்தியா அணிகளுக்கு இடையிலான 2-வது டெஸ்ட் கிரிக்கெட் போட்டி மெல்போர்னில் நடைபெற்றது. இன்றைய 4-வது நாள் ஆட்டத்தில் இந்தியா 70 ரன்கள் இலக்கை 2 விக்கெட்டை மட்டுமே இழந்து இலங்கை எட்டி, இந்தியா 8 விக்கெட் வித்தியாசத்தில் அபார வெற்றி பெற்றது. இந்த வெற்றி மூலம் இந்திய அணி தொடரை 1-1 என சமநிலைப்படுத்தியுள்ளது.

இந்திய அணியின் அதிரடி தொடக்க பேட்ஸ்மேனான ரோகித் சர்மா காயம் காரணமாக முதல் இரண்டு போட்டிகளில் விளையாடவில்லை. 3-வது போட்டியில் விளையாட உடற்தகுதி பெற்றதால் கடந்த 16-ந்தேதி ஆஸ்திரேலியா சென்றடைந்தார். அன்றைய தினத்தில் இருந்து 14 நாட்கள் கோரன்டைனில் இருக்கிறது.

14 நாட்கள் முடிவடைந்ததையொட்டி நாளை மெல்போர்னில் இருக்கும் இந்திய அணியுடன் ரோகித் சர்மா இணைகிறார். ஆஸ்திரேலியாவின் சிட்னி நகரில் தற்போது கொரோனா தொற்று அதிகரித்துள்ளது. இதனால் மெல்போர்னிலேயே 3-வது போட்டி நடைபெற வாய்ப்பு இருப்பதாக கூறப்படுகிறது.

இதனால் அவர் மெல்போர்ன் வந்து அணியுடன் இணைகிறார். 3-வது டெஸ்ட் போட்டி ஜனவரி 7-ந்தேதி சிட்னியில் நடைபெற இருக்கிறது. இன்றைய போட்டி முடிந்த பின்னர் இந்திய அணி கேப்டன் ரஹானே இதுகுறித்து கூறுகையில், ரோகித் சர்மா அணியில் இணைய இருப்பது குறித்து ஆர்வமாக இருக்கிறோம் என்று தெரிவித்தார்.