சுற்றுலா பயணிகளுக்கு சிறந்த அனுபவம் தரும் பாகா பீச்!

கோவாவில் அமைந்துள்ள பாகா பீச்சில் நீங்கள் எதிர்பார்க்கும் அனைத்து அம்சங்களும் ஒரே இடத்தில் கண்டு ஆனந்தம் அடையலாம். இங்கு கடற்கரைக் குடில்கள் முதல் உணவகங்கள் வரை, சிறந்த ஹோட்டல்கள் முதல் அசல் ஜேர்மன் அடுமனை வரை ஒவ்வொன்றும் உங்களுக்கு புதியதோர் அனுபவத்தை கொடுக்கும்.

பாகா பீச் அதன் பரப்பளவிலும் சரி, அது தரும் அனுபவங்களிலும் சரி எவரையும் பிரமிக்க வைத்து விடும். இங்கு வரும் பயணிகள் பாராசெய்லிங், வாட்டர் பைக் சவாரி, பனானா ரைட், படகு சவாரி போன்ற நீர் விளையாட்டுகளில் ஈடுபட்டு பொழுதை இன்பமயமாக கழிக்கலாம்.

பாகா பீச்சின் தொடக்கத்திலேயே அமைந்திருக்கும் புகழ்பெற்ற கஃபே பிரிட்டோஸில் கிடைக்கும் காக்டெயிலுக்காகவும், கடல் உணவுக்காகவும் உயிரை கூடக் கொடுக்கலாம். அதோடு கோவான் மீன் சாப்பாடும் இங்கு வரும் பயணிகளிடையே பிரபலம். பாகா பீச்சுக்கு மாலை வேலைகளில் வருபவர்கள் கஃபே பிரிட்டோஸை கடலலைகளை ரசித்துக் கொண்டே இரவு உணவை ருசிக்கலாம்.

மேலும், கஃபே பிரிட்டோஸுக்கு வெளியே உள்ள அடுமனையை பயணிகள் தவறவிட்டுவிடக் கூடாது. இதன் முகப்புத் தோற்றம் அலங்கரிக்கப்பட்டிருக்கும் பாங்கு அலாதியானது. இங்கு வரும் பயணிகளுக்கு ஐரோப்பிய வீதிகளில் இருப்பது போன்ற ஒரு மயக்கத்தை இந்த அடுமனையின் வடிவமைப்பு ஏற்படுத்திவிடும்.

பாகா பீச்சில் கரோக்கி இரவு என்பது மிகவும் சாதாரணம் என்பதால், குடில்கள் அனைத்துமே கரோக்கி வசதியுடனே உருவாக்கப்பட்டிருக்கும். மேலும் அனைத்து குடில்களிலும் வெவ்வேறு சுவை மற்றும் மணங்களில் ஹக்கா உணவு கிடைக்கும்.

பாகா பீச்சை பேருந்து மற்றும் கார்களின் மூலம் சுலபமாக அடைந்து விடலாம். மேலும், மாம்போஸ் இரவு விடுதி, கேண்டலிம் கடற்கரை மற்றும் பனாஜி ஆகியவையும் பாகா பீச்சுக்கு வெகு அருகில் உள்ளன. எனவே இந்த இடங்களிலிருந்து உங்கள் விருப்பதிற்கேற்ப பேருந்துகள் அல்லது வாடகை கார்களின் மூலம் பாகா பீச்சை அடையலாம்.