நடிகர் விஜய்சேதுபதி 'முத்தையா முரளிதரன்' படத்தில் நடிப்பது குறித்து இயக்குனர் சீனு ராமசாமி டுவிட் பதிவிட்டுள்ளார்.
பிரபல இலங்கை முன்னாள் பந்து வீச்சாளர் முரளிதரன் வாழ்கை வரலாறு திரைப்படத்தில் மக்கள் செல்வன் விஜய் சேதுபதி நடிக்க இருப்பதாக கடந்த இரண்டு ஆண்டுகளாக கூறப்பட்டது. இந்த படத்திற்கு ஈழத்தமிழர்கள் கடும் எதிர்ப்பு தெரிவித்த நிலையில் கடந்த இரண்டு நாட்களுக்கு முன்னர் இந்த படம் குறித்த அதிகாரப்பூர்வ அறிவிப்பு வெளிவந்தது. எனவே இந்த படம் உருவாக இருப்பது தற்போது உறுதி செய்யப்பட்டுள்ளது
இந்த நிலையில் ஈழத் தமிழர்களின் எதிர்ப்பையும் மீறி அந்த படத்தில் நடிக்க வேண்டாம் என அவரது நட்பு வட்டாரங்கள் கூறி வருவதாகவும் செய்திகள் வெளியானது.
இந்நிலையில் விஜய் சேதுபதியை முதன்முதலாக 'தென்மேற்கு பருவக்காற்று' என்ற திரைப்படத்தில் ஹீரோவாக்கிய இயக்குனர் சீனு ராமசாமி தனது டுவிட்டர் பக்கத்தில் 'முத்தையா முரளிதரன்' படத்தில் விஜய்சேதுபதி நடிப்பது குறித்து ஒரு பதிவு செய்துள்ளார். அந்த டுவிட்டில் அவர் கூறியிருப்பதாவது:-
விஜய் சேதுபதியின் இதயம் உலகத்தமிழர்கள்
விஜய்சேதுபதி நடிக்கும்
யாதும் ஊரே யாவரரும் கேளீர் திரைப்படம் அதற்கு சான்று.
ஈழத்தமிழர் உள்ளத்திற்கு அருமருந்து.
உள்ளங்கைக்கு முத்தம்.
மக்கள் செல்வா..
நீரே எங்கள்
தமிழ் சொத்து அய்யா
நமக்கெதற்கு மாத்தையா?
மாற்றய்யா?