சென்னை: வாரிசு படத்தின் இசையமைப்பு பணிகள் குறித்து முக்கிய அப்டேட் வெளியாகியுள்ளது. இதனால் ரசிகர்கள் செம உற்சாகத்தில் உள்ளனர்.
நடிகர் விஜய் தற்போது அவரது 66-வது படத்தில் நடித்து வருகிறார். வம்ஷி பைடிபள்ளி இயக்கத்தில் உருவாகும் இப்படத்திற்கு 'வாரிசு' என்று பெயரிடப்பட்டுள்ளது. தில் ராஜு தயாரிக்கும் இப்படம் தமிழ்-தெலுங்கு என இருமொழிகளில் உருவாகும் நிலையில், இப்படத்தின் படப்பிடிப்பு தற்போது சென்னையில் நடைபெற்று வருவதாக கூறப்படுகிறது.
இதற்கிடையே இசையமைப்பாளர் தமன் இசையமைக்கும் வாரிசு படத்தின் பணி விறுவிறுப்பாக நடைபெற்று வருகிறது.இசையமைப்பாளர் தமன் தனது அதிகாரப்பூர்வ இன்ஸ்டாகிராம் ஸ்டோரியில் வாரிசு படத்தைப் பற்றிய ஒரு சுவாரஸ்யமான அப்டேட்டை பகிர்ந்து கொண்டார்.
படத்தின் இசையமைப்பு பணிகள் தற்போது முழு வீச்சில்
நடைபெற்று வரும் நிலையில், இயக்குனர் வம்ஷி மற்றும் பாடலாசிரியர் விவேக்
ஆகியோருடன் இணைந்து எடுத்துக் கொண்ட படத்தைப் பதிவிட்ட தமன், #T66
compositions என்று குறிப்பிட்டுள்ளார்.
ரஷ்மிகா மந்தனா நாயகியாக
நடிக்கும் இப்படத்தில் பிரகாஷ் ராஜ் மற்றும் சரத் குமார் முக்கிய
வேடங்களில் நடிக்க, பிரபு, ஜெயசுதா, ஷாம், தெலுங்கு நடிகர் ஸ்ரீகாந்த்
மற்றும் யோகி பாபு ஆகியோர் துணை வேடங்களில் நடிக்கின்றனர். குடும்ப உறவுகளை
மையமாக வைத்து உருவாக்கப்பட்ட கதை என்றும், முழுக்க முழுக்க ஆக்ஷன், மாஸ்
மற்றும் நல்ல பாடல்கள் அடங்கிய ஃபீல் குட் படமாக வாரிசு இருக்கும் என்றும்
கூறப்படுகிறது.