நடிகை தமன்னா, இந்தி நடிகர் விஜய் வர்மாவை காதலித்து கொண்டு வருகிறார். இருவரும் ‘லஸ்ட் ஸ்டோரிஸ் 2’ வெப் தொடரில் நடித்தபோது காதலில் விழுந்ததாகக் கூறப்படுகிறது.
இதனை அடுத்து தங்கள் காதலை இருவரும் வெளிப்படையாக அறிவித்து விட்டனர். இந்த நிலையில் இவர்கள் திருமணம் எப்போது என்பது பற்றி தமன்னாவிடம் கேட்டபோது, தெரிவித்ததாவது:
திருமணம் என்ற அமைப்பின் மீது எனக்கு நம்பிக்கை இருக்கிறது. ஒரு கட்டத்தில் திருமணம் செய்துகொள்ளத்தான் இருக்கிறேன். இப்போது அதற்கான மனநிலை இல்லை. நடிப்பு இப்போது சிறப்பாகச் சென்று கொண்டிருக்கிறது. எனவே அதில் மட்டுமே கவனம் நான் செலுத்தி வருகிறேன்.
மேலும் விதவிதமான கதாபாத்திரங்களில் நடிக்க வாய்ப்புகள் வருகின்றன. அதை மகிழ்வுடன் ஏற்றுக்கொள்கிறேன். படப்பிடிப்புதான் இப்போது என் மகிழ்வான இடம். அதை அனுபவித்து வருகிறேன். அதனால் இப்போது திருமணம் இல்லை”என அவர் கூறினார்.