பீட்ரூடில் அதிகளவில் சத்துக்கள் உள்ளது. பீட்ரூட் பொரியலாக சாப்பிடப் பிடிக்காதவர்கள் இட்லி, தோசைக்கு ஏற்ற வகையில் சட்னி செய்து சாப்பிடலாம்.
தேவையான பொருட்கள்பீட்ரூட் - 2
வரமிளகாய் - 4
கடலைப்பருப்பு - 2 டீஸ்பூன்
கறிவேப்பிலை - ஒரு கீற்று
தேங்காய் - ஒரு துண்டு
சின்ன வெங்காயம் - 4
புளி - சிறிதளவு
எண்ணெய் - தேவையான அளவு
உப்பு- தேவையான அளவு
கடுகு- தேவையான அளவு
உளுந்து- தேவையான அளவு
செய்முறைபீட்ரூட்டை தோல் நீக்கி துருவிக் கொள்ளவும். தேங்காயை சிறு துண்டுகளாக்கி கொள்ளவும். வாணலியில் சிறிது எண்ணெய் விட்டு வரமிளகாய், கடலைப்பருப்பு, கறிவேப்பிலை, சின்ன வெங்காயம் போன்றவற்றை போட்டு வதக்கவும். அடுத்து வாணலியில் சிறிது எண்ணெய் விட்டு பீட்ரூட்டை போட்டு வதக்கி நீர் தெளித்து வேகவைக்கவும்.
வதக்கிய பொருட்களை புளி மற்றும் உப்புச் சேர்த்து அரைத்துக் கொள்ளவும். இறுதியில் பீட்ரூட்டையும் சேர்த்து அரைத்துக் கொள்ளவும். கடாயை அடுப்பில் வைத்து எண்ணெய் ஊற்றி சூடானதும் கடுகு, உளுந்து, கருவேப்பிலை சேர்த்து தாளித்து அதை பீட்ரூட் சட்னியில் சேர்த்து நன்றாக கலந்து பரிமாறவும்.