காஃபி பிரியர்களை குஷிப்படுத்தும் புதியவகை காபி ஒன்று சமூக வலைத்தளத்தில் வைரலாகிக் கொண்டிருக்கிறது. அதற்கு 'டல்கோனா காஃபி' என்று பெயர். இதனை எப்படி செய்வது என்று பார்க்கலாம்.
தேவையானவை காஃபி தூள் - 2 மேசைக்கரண்டி சர்க்கரை - 3 1/2 மேசைக்கரண்டி சுடுநீர் - 2 1/2 மேசைக்கரண்டி பால் - அரை தம்ளர் ஐஸ் கட்டி - சிறிதளவு
செய்முறை பாலை நன்றாக காய்ச்சி ஆறவைத்து, பின்னர் குளிர்சாதன பெட்டியில் குளிர வைத்துக்கொள்ளுங்கள். அகன்ற கிண்ணத்தில் காபி தூள், சர்க்கரையை போட்டு அதில் சுடுநீரை ஊற்றி நன்கு அடித்து கலக்குங்கள். காஃபி தூள் நன்றாக கலந்து கிரீம் பதத்தில் இருக்க வேண்டும். தொடர்ந்து குளிரவைத்த பாலை எடுத்து டம்ளரில் முக்கால் பங்கு ஊற்ற வேண்டும்.அதில் ஐஸ்கட்டியை போடவேண்டும். பின்னர் காஃபி கிரீமை மேல்பரப்பில் ஊற்றி லேசாக கலக்கி பருகலாம்.