- வீடு›
- பொழுதுபோக்கு›
- விஜய் பற்றி மீரா மிதுன் கூறியவற்றுக்கு தக்க பதிலடி கொடுத்த நடிகை சனம் ஷெட்டி
விஜய் பற்றி மீரா மிதுன் கூறியவற்றுக்கு தக்க பதிலடி கொடுத்த நடிகை சனம் ஷெட்டி
By: Nagaraj Thu, 06 Aug 2020 8:12:22 PM
நடிகர் விஜய் பற்றி மீரா மிதுன் கூறிய கருத்துக்கு தக்க பதிலடி கொடுத்துள்ளார் நடிகை சனம் ஷெட்டி.
கடந்த வருடம் பிக் பாஸ் நிகழ்ச்சியில் பங்கேற்றதன் மூலம் புகழை அடைந்தவர் மீரா மிதுன். 8 தோட்டாக்கள், தானா சேர்ந்த கூட்டம், போதை ஏறி புத்தி மாறி என மூன்று படங்களில் நடித்துள்ளார்.
டுவிட்டரில் நடிகர் விஜய்யைப் பற்றி அவர் கூறிய கருத்துகளுக்கு ரசிகர்கள் பலரும் எதிர்ப்பு தெரிவித்து வருகின்றனர். இந்நிலையில் விஜய்க்கு ஆதரவு தெரிவித்து நடிகை சனம் ஷெட்டி வீடியோ ஒன்றை வெளியிட்டுள்ளார். அதில் அவர் கூறியிருப்பதாவது:
வாரிசு சலுகையால் விஜய் திரைத்துறைக்குள் வந்ததாகக் கூறியிருக்கிறீர்கள்
மீரா. எஸ்.ஏ.சி.யால் சினிமாவுக்குள் அவர் சுலபமாக நுழைந்திருக்கலாம். ஆனால்
5 வருடங்கள் கஷ்டப்பட்ட பிறகு தான் முதல் வெற்றியை அடைந்தார். முதல்
படத்திலேயே நிறைய விமர்சனங்கள் வந்தன.
திறமை, உழைப்பால் தான் இன்று
அவருக்கு லட்சக்கணக்கான ரசிகர்கள் உள்ளார்கள். இதைப் பணத்தால் வாங்க
முடியாது. அங்கீகாரம் பெற்ற நடிகரைப் பற்றி பேசுவதற்கு முன்பு ஆயிரம் முறை
யோசிக்க வேண்டும். உங்களுக்குப் பதில் தர அவர் இறங்கி வர மாட்டார்.
உங்களுக்குப்
பதில் சொல்ல நான் போதும். இணையத் துன்புறுத்தல்களை நிறுத்திக் கொள்ளவும்.
இதை நீங்கள் தான் செய்கிறீர்கள். இதனால் உங்களுக்குப் புகழ் கிடைக்கலாம்.
இத்துடன் நிறுத்திவிடுங்கள். உங்கள் டுவிட்டர் கணக்கு குறித்து நாங்கள்
புகார் அளித்துள்ளோம். அதனால் அதனைப் பத்திரமாகப் பார்த்துக் கொள்ளவும்.
இவ்வாறு அவர் தெரிவித்துள்ளார்.