திருச்சியில் விதிகளை மீறி கட்டப்பட்ட அடுக்குமாடி குடியிருப்பு; இடிக்க நீதிபதிகள் உத்தரவு

திருச்சி: திருச்சியில் விதிகளை மீறி கட்டப்பட்ட அடுக்குமாடி குடியிருப்புகளை இடிக்கலாம் என மதுரை கோர்ட் நீதிபதிகள் உத்தரவிட்டுள்ளனர்.

திருச்சி மாவட்டத்தைச் சேர்ந்த சண்முகசுந்தரம் என்பவர் மதுரை உயர்நீதிமன்றக் கிளையில் தாக்கல் செய்த மனுவில், திருச்சி ஸ்ரீரங்கம் தாலுகா உய்யகொண்டான் திருமலை பகுதியில் சுமார் 51 சென்ட் நிலத்தில் விதிகளை மீறி 100 வீடுகள் கொண்ட அடுக்குமாடி கட்டிடம் கட்டப்பட்டுள்ளது.

இந்த முறைகேடுகள் குறித்து நகராட்சி அதிகாரிகளிடம் மனு அளித்தும் நடவடிக்கை எடுக்கவில்லை எனவே விதிகளை மீறி கட்டப்பட்டுள்ள அடுக்குமாடி குடியிருப்புகளை இடிக்க நடவடிக்கை எடுக்க வேண்டும். இந்த வழக்கு மதுரை உயர்நீதிமன்றக் கிளை நிர்வாக நீதிபதி மகாதேவன், நீதிபதி சத்தியநாராயண பிரசாத் ஆகியோர் அடங்கிய அமர்வு இல்லாமல் விசாரணைக்கு வந்தது.

இந்த மனுவை விசாரித்த நீதிபதிகள் கூறியதாவது: கட்டடம் முறையாக கட்டி முடிக்கப்பட்ட சான்றிதழ் பெற்றால் மட்டுமே மின்சாரம், குடிநீர், பாதாள சாக்கடை இணைப்புகள் வழங்க வேண்டும் என சட்டம் உள்ளது. அனுமதியின்றி கட்டடம் கட்டினால், அதை இடிக்க அதிகாரிகள் நடவடிக்கை எடுக்க வேண்டும் என்று கூறிய நீதிபதிகள், நகரில் திட்டமிட்ட வளர்ச்சியை ஊக்குவிப்பதே இச்சட்டத்தின் நோக்கமாகும்.

எனவே, இந்த வழக்கில் திருச்சியில் விதிகளை மீறி கட்டப்பட்ட அடுக்குமாடி குடியிருப்புகளின் பாகங்களை இடிக்கலாம் என நீதிபதிகள் உத்தரவிட்டனர். மேலும், விதிகளை மீறி கட்டப்பட்ட கட்டிடத்திற்கு ஆதரவாக செயல்பட்ட அரசு மற்றும் நகராட்சி அதிகாரிகள் மீது துறை ரீதியான நடவடிக்கை எடுக்க தமிழக அரசுக்கு உத்தரவிட்ட நீதிபதிகள், இது தொடர்பான அறிக்கையை வரும் 10ம் தேதிக்குள் நீதிமன்றத்தில் தாக்கல் செய்ய வேண்டும் என கூறி வழக்கை ஒத்திவைத்தனர். .