விஜயகாந்தின் உடல்நிலை சீராக உள்ளது ...அமைச்சர் மா.சுப்பிரமணியன் தகவல்

சென்னை: தேமுதிக தலைவர் விஜயகாந்த் நேற்று முன்தினம் உடல்நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டார். வழக்கமான மருத்துவப் பரிசோதனைக்காக சென்று உள்ளதாக தேமுதிக தரப்பில் விளக்கம் அளிக்கப்பட்டது.

மருத்துவமனையில் சிகிச்சை பெற்று வரும் விஜயகாந்துக்கு அவ்வப்போது செயற்கை சுவாசம் அளிக்கப்படுவதாகவும் கூறப்பட்டது. இந்த நிலையில் தேமுதிக பொதுச்செயலாளர் விஜயகாந்த் உடல்நிலை குறித்து அமைச்சர் மா.சுப்பிரமணியன் விளக்கம் ஒன்றை அளித்துள்ளார்.

இதையடுத்து இதுகுறித்து சென்னையில் செய்தியாளர்களை சந்தித்த அவர், விஜயகாந்திற்கு தொடர்ந்து இருமல் பாதிப்பு இருந்ததால் தனியார் மருத்துவமனையில் அனுமதிக்கப்பட்டு உள்ளார்.

தீவிர சிகிச்சை பிரிவிலிருந்தாலும் விஜயகாந்த் உடல்நிலை சீராகவே உள்ளது. ஏற்கனவே சிறுநீரகம் மாற்று சிகிச்சை செய்யப்பட்டிருப்பதால், தொடர்ந்து மருத்துவர்கள் கண்காணிப்பில் உள்ளார் என அவர் கூறினார்.