கேலக்ஸி ஏ51 மற்றும் கேலக்ஸி ஏ71 ஸ்மார்ட்போன்கள் விலை குறைப்பு!

இந்திய சந்தையில் இந்த ஆண்டு துவக்கத்தில் சாம்சங் நிறுவனத்தின் கேலக்ஸி ஏ51 மற்றும் கேலக்ஸி ஏ71 ஸ்மார்ட்போன்கள் அறிமுகம் செய்யப்பட்டன. அறிமுகமான சில மாதங்களில் இவற்றின் விலை ஜிஎஸ்டி வரி உயர்வு காரணமாக ஏப்ரல் மாத வாக்கில் உயர்த்தப்பட்டன.

இந்நிலையில், இந்தியாவில் அறிமுகமாகி ஏழு மாதங்களுக்கு பின் கேலக்ஸி ஏ51 மற்றும் கேலக்ஸி ஏ71 என இரு ஸ்மார்ட்போன்களின் விலையும் தற்சமயம் குறைக்கப்பட்டு இருக்கிறது. முன்னதாக இவற்றின் விலை முறையே ரூ. 25,250 மற்றும் ரூ. 27,999 என நிர்ணயம் செய்யப்பட்டு இருந்தது குறிப்பிடத்தக்கது.

விலை குறைப்பின் படி கேலக்ஸி ஏ51 6 ஜிபி + 128 ஜிபி வேரியண்ட் விலை ரூ. 23999 என்றும் 8 ஜிபி + 128 ஜிபி மாடல் விலை ரூ. 25,999 என மாறி உள்ளது.

கேலக்ஸி ஏ71 8 ஜிபி + 128 ஜிபி மாடல் விலை ரூ. 32999 இல் இருந்து ரூ. 30,999 ஆக குறைக்கப்பட்டு உள்ளது. குறைக்கப்பட்ட புதிய விலை சாம்சங், ப்ளிப்கார்ட் போன்ற வலைதளங்களில் ஏற்கனவே மாற்றப்பட்டுவிட்டது. ஆஃப்லைன் தளங்களிலும் இவை மாற்றப்படும் என தெரிகிறது.