இந்தியாவில் சாம்சங் நிறுவனத்தின் மூன்று ஸ்மார்ட்போன் மாடல்களுக்கு திடீர் விலை குறைப்பு அறிவிக்கப்பட்டு இருக்கிறது. அதன்படி கேலக்ஸி எம் 01, கேலக்ஸி எம்01எஸ் மற்றும் கேலக்ஸி எம்11 ஸ்மார்ட்போன்களின் விலை குறைக்கப்பட்டு இருக்கிறது. இந்த விலை குறைப்பு நவம்பர் 30 ஆம் தேதி வரை மட்டுமே வழங்கப்படுகிறது.
கேலக்ஸி எம்01 இதன் பழைய விலை ரூ. 7999 என நிர்ணயம் செய்யப்பட்டிருந்தது. தற்போது ரூ. 500 விலை குறைப்பு செய்யப்பட்டு, ரூ. 7499 விலையில் விற்பனை செய்யப்படுகிறது. இதில் 5.3 இன்ச் ஹெச்டி பிளஸ் டிஸ்ப்ளே, மீடியாடெக் எம்டி6739 பிராசஸர், ஆண்ட்ராய்டு கோ ஒஎஸ், 3000 எம்ஏஹெச் பேட்டரி வழங்கப்பட்டு இருக்கிறது.
சாம்சங் கேலக்ஸி எம்01எஸ் இதன் பழைய விலை ரூ. 9,999 என நிர்ணயம் செய்யப்பட்டிருந்தது. தற்போது ரூ. 1000 விலை குறைப்பு செய்யப்பட்டு ரூ. 8999 விலையில் விற்பனை செய்யப்படுகிறது. இதில் 6.2 இன்ச் ஹெச்டி பிளஸ் டிஸ்ப்ளே, மீடியாடெக் பிராசஸர், 3 ஜிபி ரேம், ஆண்ட்ராய்டு 9.0 பை இயங்குதளம் வழங்கப்பட்டு உள்ளது.
கேலக்ஸி எம்11 இதன் பழைய விலை ரூ. 10,499 என நிர்ணயம் செய்யப்பட்டிருந்தது. தற்போது ரூ. 500 விலை குறைப்பு செய்யப்பட்டு ரூ. 9,999 விலையில் விற்பனை செய்யப்படுகிறது. இதில் 6.4 இன்ச் ஹெச்டி பிளஸ் டிஸ்ப்ளே, ஆக்டா-கோர் பிராசஸர், 4 ஜிபி ரேம், 5000 எம்ஏஹெச் பேட்டரி, 15 வாட் பாஸ்ட் சார்ஜிங் வசதி வழங்கப்படுகிறது.