தளபதி விஜய்யின் தந்தையும் இயக்குனருமான எஸ்ஏ சந்திரசேகர் விரைவில் பாஜகவில் சேர இருப்பதாக ஒரு வதந்தி சமூக வலைதளங்களில் கடந்த சில நாட்களாக வலம் வந்து கொண்டிருக்கின்றன. இந்த வதந்திக்கு ஏற்கனவே எஸ்.ஏ.சந்திரசேகர் மறுப்பு தெரிவித்துள்ளார்.
இந்த நிலையில் பாஜகவில் இணைகிறீர்களா? என்ற மீண்டும் கேட்கப்பட்ட ஒரு கேள்விக்கு எஸ்ஏ சந்திரசேகரன் காட்டமாக, 'நான் உயிரோடு இருப்பது உங்களுக்கு பிடிக்கவில்லையா?' என்று பதில் கூறி பெரும் பரபரப்பை ஏற்படுத்தியுள்ளார்.
மேலும் நான் பாஜகவில் இணைய போகிறானா என்ற கேள்விக்கே இடமில்லை என்றும் எனக்கென்று ஒரு அமைப்பு உள்ளது என்றும் அந்த அமைப்பு 'விஜய் மக்கள் இயக்கம்' என்றும், அந்த அமைப்பு தேவைப்படும்போது அரசியல் கட்சியாக மாறும் என்றும் கூறினார்.
மக்கள் அழைக்கும்போது சக்தி வாய்ந்ததாக 'விஜய் மக்கள் இயக்கம்' அமைப்பு இருக்கும் என்று எஸ்.ஏ.சந்திரசேகர் தெரிவித்துள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது.