ஜெயிலர் படத்தைத் தொடர்ந்து ரஜினியின் 170-வது படத்தை ‘ஜெய்பீம்’ இயக்குநர் த.செ.ஞானவேல் இயக்கவுள்ளார். இந்த படத்திற்கும் அனிருத் இசை தான். படத்தை லைகா நிறுவனம் பிரமாண்டமாக தயாரிக்கவுள்ளது.
இதனை அடுத்து படப்பிடிப்பு வருகிற 4ம் தேதி திருவனந்தபுரத்தில் தொடங்க உள்ளதாக தகவல் வெளியாகியுள்ளது. இதற்காக செட் அமைக்கும் பணிகளும் மிக விறுவிறுப்பாக நடைபெற்று கொண்டு வருகின்றன.
முதற்கட்ட படப்பிடிப்பில் நடிகர் ரஜினிகாந்த் சம்மந்தப்பட்ட காட்சிகளை மட்டும் படமாக்க உள்ளனர். அது முடிந்ததும் படத்தின் மற்ற படப்பிடிப்பை கன்னியாகுமரி, நாகர்கோயில் உள்ளிட்ட பகுதிகளில் நடத்த படக்குழுவினர் திட்டமிட்டு உள்ளனர்.
இதையடுத்து படம் குறித்த அதிகாரபூர்வ அறிவிப்பு ஏற்கெனவே வெளியான நிலையில் படத்தில் நடிக்கும் நடிகர்கள் பற்றி எந்தவித அறிவிப்பும் வெளியாகாமல் இருந்தது. இந்நிலையில் ரஜினியின் 170வது நடிக்கவுள்ள நடிகர்கள் குறித்த அறிவிப்பு இன்று வெளியாகும் என்று லைகா நிறுவனம் தெரிவித்து உள்ளது.