சென்னை: விக்னேஷ் சிவன் அஜித்தை வைத்து இயக்கும் புதிய படத்தின் படப்பிடிப்பு அடுத்த மாதம் தொடங்கவுள்ளதாக சினிமா வட்டாரங்கள் தெரிவிக்கின்றன.
‘துணிவு’ திரைப்படத்தை தொடர்ந்து, நடிகர் அஜித்குமார், இயக்குனர் விக்னேஷ் சிவனின் படத்தில் நடிக்கவுள்ளார்.
அஜித் நடிக்கும் 62ஆவது படத்தை, லைக்கா நிறுவனம் தயாரிக்கின்றது. இந்த படத்திற்கு அனிருத் இசையமைக்கவுள்ளார். இந்த நிலையில், இப்படத்தின் படப்பிடிப்பு அடுத்த மாதம் தொடங்கவுள்ளதாக சினிமா வட்டாரங்கள் தெரிவிக்கின்றன.
அத்துடன், இப்படத்தின் படப்பிடிப்பு பெரும்பாலும் மும்பை மற்றும் சென்னை பகுதியில் நடக்கவுள்ளதாக தெரிவிக்கப்படுகின்றது.
முன்னதாக
இப்படத்தில் நடிகர் அரவிந்சாமி, ஐஸ்வர்யா ராய், சந்தானம் உள்ளிட்டோர்
நடிக்கவிருப்பதாக கூறப்பட்டது. ஆனால், இதுகுறித்து இதுவரை உத்தியோகப்பூர்வ
தகவல் எதுவும் வெளியாகவில்லை.