லேடி சூப்பர்ஸ்டார் நயன்தாராவின் பிறந்த நாள் இன்று கொண்டாடப்பட்டு வரும் நிலையில் அவருக்கு அதிகாலை 12 மணியிலிருந்து ரசிகர்கள் மற்றும் திரையுலக பிரபலங்கள் சமூக வலைதளங்கள் மூலம் வாழ்த்துக்களை குவித்து வருகின்றனர்
அந்த வகையில் நயன்தாராவின் காதலரும் இயக்குனருமான விக்னேஷ் சிவன் தனது டுவிட்டர் பக்கத்தில் நயன்தாராவுக்கு பிறந்தநாள் வாழ்த்துக்களை தெரிவித்து உள்ளார். அவர் தனது டுவிட்டரில் கூறியிருப்பதாவது:-
இந்த உலகில் உள்ள எல்லா நன்மைகளையும் கடவுள் உங்களுக்கு எப்போதும் அளிப்பார். அர்ப்பணிப்பு, நேர்மை மற்றும் கடின உழைப்பாளியாக இருக்கும் நீங்கள் உயர உயர பறந்து கொண்டே இருங்கள். ஹாப்பி பர்த்டே என் தங்கமே என்று விக்னேஸ் சிவன் தனது டுவிட்டரில் குறிப்பிட்டுள்ளார்
மேலும் நயன்தாராவின் 'நெற்றிக்கண்' என்ற திரைப்படத்தை தயாரித்து வரும் விக்னேஷ் சிவன் இந்த படத்தின் டீசரை இன்று வெளியிட்டுள்ளார். ஏற்கனவே இந்த படத்தின் ஃபர்ஸ்ட்லுக் போஸ்டரை அவர் வெளியிட்டுள்ளார் என்பது குறிப்பிடத்தக்கது.