உக்ரைன்: ராணுவ தளபதியுடன் சந்திப்பு... உக்ரைனில் போரில் ஈடுபட்டு வரும் ரஷ்யாவின் உயர்மட்ட ராணுவத் தளபதியை, ரஷ்ய அதிபர் புடின் நேரில் சந்தித்து பேசினார்.
உக்ரைனில் உள்ள ஒட்டுமொத்த ரஷ்யப் படைகளின் தளபதியான வலேரி ஜெராசிமோவையும் துணை தளபதி செர்ஜி சுரோவிகினையும் புடின் சந்தித்த வீடியோவை கிரெம்ளின் மாளிகை வெளியிட்டுள்ளது.
உக்ரைனில் இருந்து குழந்தைகள் சட்டவிரோதமாக நாடு கடத்தப்பட்டது உள்ளிட்ட குற்றங்களில் ஈடுபட்டதாக சர்வதேச குற்றவியல் நீதிமன்றம் ரஷ்ய அதிபர் புடினுக்கு கைது வாரண்ட் பிறப்பித்ததைத் தொடர்ந்து, இந்த சந்திப்பு நிகழ்ந்துள்ளது.
உக்ரைன் மீது ரஷ்யா போர் தொடுத்து ஓராண்டு ஆன நிலையிலும், புடின் மீது சர்வதேச குற்றவியல் நீதிமன்றம் கைது வாரண்ட் பிறப்பித்துள்ள நிலையிலும் இந்த சந்திப்பு மிக முக்கியத்துவம் வாய்ந்ததாக தெரிய வருகிறது.