சென்னையில் ஆபரணத் தங்கத்தின் விலை பவுனுக்கு 360 ரூபாய் குறைந்து 40 ஆயிரத்து 24 ரூபாய்க்கு விற்பனை செய்யப்படுகிறது.
உலகம் முழுவதும் முதலீட்டாளர்கள் பாதுகாப்பான முதலீடு செய்ய துவங்கியுள்ளனர். பங்குச்சந்தை, ரியல் எஸ்டேட், அமெரிக்க டாலர்கள் என மற்ற பலவற்றில் இருந்த முதலீடுகளையும் மாற்றி தங்கத்தில் முதலீடு செய்து வருகின்றனர். பாதுகாப்பு கருதி தங்கத்தில் முதலீடு செய்வதால் தங்கத்தின் தேவை அதிகரித்து வருகிறது.
அதன் காரணமாக தங்கம் விலை இந்த மாதத்தின் தொடக்கத்தில் ராக்கெட் வேகத்தில் உயர்ந்தது. அதன்பிறகு கடந்த 8-ந்தேதியில் இருந்து சரிவை சந்தித்தது. எந்த அளவுக்கு தங்கம் விலை உயர்ந்ததோ, அதேபோல் குறைந்து வந்தது.
இந்நிலையில் கடந்த சில தினங்களாக ஏறு முகத்தில் இருந்த தங்கம் விலை தற்போது மீண்டும் குறைந்துள்ளது.
சென்னையில் 22 கேரட் ஆபரணத் தங்கத்தின் விலை இன்று பவுனுக்கு 360 ரூபாய் குறைந்து 40 ஆயிரத்து 24 ரூபாய்க்கு விற்பனையாகிறது. தங்கம் விலை கிராமுக்கு 45 ரூபாய் குறைந்து 5 ஆயிரத்து 3 ரூபாய்க்கு விற்பனையாகிறது.
அதேபோல், சென்னையில் ஒரு கிராம் வெள்ளியின் விலை 70 காசு குறைந்து 72 ரூபாய்க்கு விற்பனை செய்யப்படுகிறது.