வாஷிங்டன்: பதவி நீக்கம் செய்யப்பட்டுள்ளார்... அமெரிக்காவில் அடுத்த ஆண்டு அதிபர் தேர்தல் நடைபெற உள்ள நிலையில், அந்நாட்டு நாடாளுமன்ற சபாநாயகர் கெவின் மெக்கார்த்தி பதவி நீக்கம் செய்யப்பட்டுள்ளார்.
குடியரசுக் கட்சியின் அமெரிக்க ஹவுஸ் சபாநாயகர் கெவின் மெக்கார்த்தி ஜனநாயகக் கட்சியுடன் தொடர்ந்து இணைந்திருப்பதாக பரவலாக குற்றம் சாட்டப்பட்டார்.
இதையடுத்து, அவர் சேர்ந்த குடியரசுக் கட்சி கெவின் மெக்கார்த்திக்கு எதிராக பதவி நீக்கத் தீர்மானத்தைக் கொண்டு வந்தது. விவாதத்திற்குப் பிந்தைய வாக்கெடுப்பில் 216 வாக்குகள் வித்தியாசத்தில் தீர்மானம் வெற்றி பெற்றதையடுத்து அவைத் தலைவர் கெவின் மெக்கார்த்தி பதவி நீக்கம் செய்யப்பட்டார்.
ஆளும் கட்சிக்கு சாதகமான நடவடிக்கைகள் குறித்து கெவின் மெக்கார்த்தியால் பலமுறை எச்சரிக்கப்பட்டதாகவும், ஆனால் அவர் அவற்றைக் கவனிக்கத் தவறியதே குற்றச்சாட்டுத் தீர்மானத்திற்கு முக்கிய காரணம் என்றும் குடியரசுக் கட்சித் தலைவர்கள் தெரிவித்தனர்.
அதன் 234 ஆண்டுகால வரலாற்றில் முதன்முறையாக அமெரிக்க பிரதிநிதிகள் சபையின் சபாநாயகர் பதவி நீக்கம் செய்யப்பட்டுள்ளார். அதுவும் சபாநாயகருக்கு எதிராக அவரது சொந்தக் கட்சியே வாக்களித்து அவரை வெளியேற்றியது அமெரிக்க அரசியல் களத்தில் பரபரப்பை ஏற்படுத்தியுள்ளது.