ஜோடிகளாக பிரிந்து விளையாட பிக்பாஸ் கொடுத்த புது டாஸ்க்

பிக்பாஸ் நிகழ்ச்சியின் ஒரு மணி நேரத்தின் டிரைலராக இருந்து வரும் புரமோஷன்களை பார்ப்பதற்கென்றே ரசிகர்கள் சமூக வலைத்தளத்தில் காத்திருக்கின்றனர். புரமோஷனே சில சமயம் நிகழ்ச்சியை விட சுவாரஸ்யமாக இருக்கும். அந்த வகையில் தற்போது வெளியாகியுள்ள புரமோஷனில் போட்டியாளர்களுக்கு ஒரு வித்தியாசமான டாஸ்க் கொடுக்கப்படுகிறது.

இதில் போட்டியாளர்கள் ஜோடிகளாக பிரிந்து விளையாடவேண்டும். கொடுக்கப்படும் தூரத்தை செங்கலின் மேல் ஒருவர் நடக்க வேண்டும், இன்னொருவர் செங்கலை நகர்த்தி உதவி செய்ய வேண்டும் என்பதே இந்த டாஸ்க்.

எந்த ஜோடி குறைந்த நேரத்தில் இலக்கை அடைகிறார்களோ அந்த ஜோடியே இந்த டாஸ்க்கின் வெற்றியாளர் என்று பிக் பாஸ் அறிவிக்கின்றார்.

இதனையடுத்து சுசித்ரா-ரமேஷ், சோம் - ரம்யா, ரியோ-நிஷா, பாலாஜி-ஷிவானி, ஆஜித்-கேப்ரில்லா ஆகியோர் விளையாடுகின்றனர். இந்த டாஸ்க்கில் யார் வெற்றி பெறுகிறார்கள் என்பதை நிகழ்ச்சியில் பார்த்து தெரிந்து கொள்வோம்.