கொரோனா தடுப்பூசி முன்னுரிமை நபர்கள் பட்டியல் தயாரிக்க மத்திய அரசு அறிவுறுத்தல்

பட்டியல் தயாரிக்க மத்திய அரசு வலியுறுத்தல் இந்தியாவில் கொரோனா தடுப்பூசி செலுத்தப்படும் முன்னுரிமை நபர்கள் குறித்த பட்டியல் தயாரிக்க மாநிலங்கள் விதிமுறையை பின்பற்ற மத்திய அரசு வலியுறுத்தி உள்ளது.

இந்தியாவில் கொரோனா வைரசின் தாக்கம் தொடர்ந்து அதிகரித்து வருகிறது. நோய் தொற்றுக்கான தடுப்பூசி மனித கட்ட சோதனையில் உள்ளது. கொரோனா தடுப்பூசிகள் பாதுகாப்பாகவும், நிர்வாகத்திற்காகவும் சமமாக இருப்பதை உறுதி செய்ய, தடுப்பூசியை பெறுபவர்களில் முதன்மையாக இருக்கும் குழு தொடர்பான விபரங்களை அளிக்குமாறு மத்திய சுகாதார மற்றும் குடும்ப நல அமைச்சகம் மாநிலங்களுக்கு அறிவுறுத்தியது.

இது தொடர்பான விபரங்கள் குறித்து நேற்று மத்திய சுகாதாரதுறை அமைச்சர் ஹர்ஷ் வர்தன் கூறுகையில், இந்த மாத இறுதிக்குள் கொரோனா தொற்றுக்கான தடுப்பூசியை பெறும் முன்னுரிமை அளிக்கப்படும் நபர்கள் குறித்த பட்டியலை வழங்க மாநிலங்கள் பின்பற்ற வேண்டிய விதிமுறைகள் கொண்ட வடிவமைப்பை சுகாதாரதுறை தயாரித்துள்ளது.

முதற் கட்டமாக, மருத்துவர்கள், செவிலியர்கள், துணை மருத்துவர் மற்றும் சுகாதார பணியாளர்கள், நான்காம் நிலை ஊழியர்கள், ஆஷா போன்ற கள அளவிலான தொழிலாளர்கள் , பாதிப்புகளை கண்காணிக்கும் ஊழியர்கள் உட்பட அரசு மற்றும் தனியார் துறையில் முன்னணி சுகாதார பணியாளர்களாக இருக்கும் பணியாளர்களுக்கு தடுப்பூசி டோஸ் விநியோகிக்கப்படும்.

முன்னதாக 2021 ஜூலைக்குள் தடுப்பூசி கிடைக்க வாய்ப்பு உள்ளது. இதனால் நாடு 40 முதல் 50 கோடி வரை கொரோனா தடுப்பூசியை பெற்று பயன்படுத்திக் கொள்ளும். இந்த தடுப்பூசி மூலம் குறைந்தது 20 முதல் 25 கோடி நபர்களுக்கு தடுப்பூசி விநியோகிப்பதை சுகாதார அமைச்சகம் நோக்கமாகக் கொண்டிருந்தது. இது தனிநபர்களுக்கு நீண்டகால நோய் எதிர்ப்பு சக்தியை உறுதி செய்யும்.

அதில் தடுப்பூசியின் ஒவ்வொரு சரக்குகளும் தகுதியான பயனாளியை அடையும் வரை கண்காணிக்கப்படும். என்.ஐ.டி.ஐ. ஆயோக் தலைமையிலான ஒரு உயர்மட்டக் குழு தடுப்பூசிகளை வாங்குவது மற்றும் நிர்வகிப்பது தொடர்பான தளவாடங்களை சுத்தப்படுத்தியது.

தடுப்பூசி உற்பத்தியாளர்களுடன் புரிந்துணர்வு ஒப்பந்தங்களில் நுழைவது குறித்து குழு கவனம் செலுத்துவதோடு, தடுப்பூசி கொண்டு செல்வதற்கான தளவாடங்கள் மற்றும் விநியோக சங்கிலி மேலாண்மை தொடர்பான பிரச்சினைகளையும் தீர்க்கும். தடுப்பூசிகள் முன்பே தீர்மானிக்கப் பட்ட முன்னுரிமையின்படி மற்றும் திட்டமிடப்பட்ட முறையில் விநியோகிக்கப்படும். வெளிப்படைத்தன்மை மற்றும் பொறுப்புக் கூறலை உறுதி செய்வதற்காக, முழு செயல்முறையின் விவரங்களும் வரும் மாதங்களில் பகிரப்படும். இவ்வாறு கூறினார்.