Advertisement

  • வீடு
  • செய்திகள்
  • வழிபாட்டு தலங்களை திறப்பதில் யாருக்கும் வெற்றியோ, தோல்வியோ கிடையாது - சஞ்சய் ராவத்

வழிபாட்டு தலங்களை திறப்பதில் யாருக்கும் வெற்றியோ, தோல்வியோ கிடையாது - சஞ்சய் ராவத்

By: Karunakaran Mon, 16 Nov 2020 09:13 AM

வழிபாட்டு தலங்களை திறப்பதில் யாருக்கும் வெற்றியோ, தோல்வியோ கிடையாது - சஞ்சய் ராவத்

மகாராஷ்டிரா மாநிலத்தில் கொரோனா வைரஸ் பரவலை கட்டுப்படுத்த அறிவிக்கப்பட்ட ஊரடங்கு உத்தரவு அமல்படுத்தப்பட்டது. இதன் காரணமாக கடந்த மார்ச் மாதம் வழிபாட்டு தலங்கள் அனைத்தும் அடைக்கப்பட்டது. கொரோனா பாதிப்பு அதிகமாக இருந்ததால் கடந்த 8 மாதமாக வழிபாட்டு தலங்கள் திறக்கப்படவில்லை. இதை எதிர்த்து பாரதிய ஜனதா கட்சியினர் மற்றும் இந்துத்வா அமைப்பினர் போராட்டம் நடத்தி வந்தனர்.

இந்நிலையில், நேற்று முன்தினம் முதல் மந்திரி உத்தவ் தக்கரே வழிபாட்டு தலங்களை திறப்பதற்கான உத்தரவை வெளியிட்டார். அதுமட்டுமின்றி, கோவிலில் கடைபிடிக்க வேண்டிய வழிபாட்டு நெறிமுறைகளையும் அறிவித்தார். இது பாரதிய ஜனதாவுக்கு கிடைத்த வெற்றி, இந்துத்வாவுக்கு கிடைத்த வெற்றி என பா.ஜ.க.வினர் பலரும் கூறி வருகின்றனர்.

temples,maharastra,worship,sanjay rawat ,கோயில்கள், மகாராஷ்டிரா, வழிபாடு, சஞ்சய் ராவத்

இதுகுறித்து பா.ஜ.க. எம்.எல்.ஏ. ராம் காதம் அளித்த பேட்டியில், பா.ஜ.க. கொடுத்த அழுத்தம் காரணமாகவே வழிபாட்டு தலங்களை திறக்க அரசு அனுமதி அளித்துள்ளது. இது இந்துத்வாவுக்கு கிடைத்த மாபெரும் வெற்றி என தெரிவித்தார். இந்நிலையில்,மகாராடிராவில் வழிபாட்டு தலங்களை திறப்பதில் யாருக்கும் வெற்றியோ, தோல்வியோ கிடையாது என சிவசேனா மூத்த தலைவர் சஞ்சய் ராவத் தெரிவித்துள்ளார்.

இதுகுறித்து சிவசேனா கட்சியின் மூத்த தலைவரும், எம்.பி.யுமான சஞ்சய் ராவத் நேற்று பேட்டி அளித்தபோது, வழிபாட்டு தலங்கள் திறந்தாலும் கொரோனா பரவாமல் இருக்க அரசு அறிவித்த வழிகாட்டு நெறிமுறைகளை மக்கள் கண்டிப்பாக பின்பற்ற வேண்டும். மக்கள் வீட்டில் அடைபட்டு இருக்கவேண்டும் என்பது கடவுளின் விருப்பமாக இருந்தது. இப்போதும் கடவுள் விரும்புவதால் திறக்கப்படுகிறது. அனைத்து மத வழிபாட்டுத் தலங்களும் திறக்கப்படுகின்றன. பிரதமர் மோடியின் அறிவுறுத்தலின் படியே கோவில்கள் அனைத்தும் மூடப்பட்டன. இது யாருக்கும் வெற்றியும் இல்லை, தோல்வியும் இல்லை என்று கூறினார்.

Tags :