நிபுணர் குழு அமைப்பு... புதிய அரசியலமைப்பை உருவாக்குவதற்கான நிபுணர் குழு அமைச்சரவையினால் நியமிக்கப்பட்டுள்ளது.
குறித்த குழுவிற்கான நிபுணர்களை நியமிப்பது தொடர்பில் இன்று இடம்பெற்ற அமைச்சரவையில் பிரஸ்தாபிக்கப்பட்ட நிலையில், நிபுணர் குழுவில் தமிழ் - முஸ்லிம் மக்களின் உணர்வுகளையும், அபிலாசைகளையும் பிரதிபலிக்கும் வகையில் நிபுணர்கள் உள்வாங்கப்பட வேண்டும் என்று அமைச்சர் டக்ளஸ் தேவானந்தாவினால் வலியுறுத்தப்பட்டது.
இந்நிலையில் அமைக்கப்பட்டுள்ள நிபுணர் குழுவில் கலாநிதி ஏ.சர்வேஸ்வரன்
மற்றும் பேராசிரியை நஜீமா கமுறுடீன் ஆகியோர் அடங்கிய 9 பேர் அடங்கிய
நிபுணர் குழு அமைக்கப்பட்டுள்ளது.
குறித்த குழுவினர் இலங்கையில்
வாழுகின்ற பல்லின சமூகங்களினதும் அபிலாசைகளையும் கலாச்சார பண்பாடுகளையும்
கருத்திலெடுத்து நாட்டின் ஆரோக்கியமான எதிர்காலத்திற்கு உகந்த அரசியலமைப்பை
உருவாக்கவுள்ளமை குறிப்பிடத்தக்கது.