இந்திய கடற்படை அதன் பல பிரிவுகளில் பெண் அதிகாரிகளை நியமித்திருந்தாலும், பெண்கள் இதுவரை, பல காரணங்களால் போர்க்கப்பல்களில் நியமிக்கப்படவில்லை. தனியுரிமை இல்லாதது மற்றும் பாலினம் சார்ந்த குளியலறை கிடைப்பது போன்ற வசதிகள் காரணமாக இதுவரை அவர்கள் நியமிக்கப்படவில்லை.
இந்நிலையில் இந்திய கடற்படையில் பாலின சமத்துவத்தை மறுவரையறை செய்யும் நடவடிக்கையில், சப் லெப்டினன்ட் குமுதினி தியாகி மற்றும் சப் லெப்டினன்ட் ரிதி சிங் ஆகியோர் கப்பலின் பணியாளர்களின் ஒரு பகுதியாக கடற்படை போர்க்கப்பல்களில் ஈடுபடுத்தப்படும் முதல் பெண் அதிகாரிகளாக நியமிக்கப்பட்டு உள்ளனர். நியமிக்கபட்ட இரண்டு பெண் அதிகாரிகளும் கடற்படையின் புதிய எம்.எச் -60 ஆர் ஹெலிகாப்டர்களில் பறப்பார்கள் என்று எதிர்பார்க்கப்படுகிறது,
2018 ஆம் ஆண்டில், அப்போதைய பாதுகாப்பு மந்திரி நிர்மலா சீதாராமன் 2.6 பில்லியன் டாலர் என மதிப்பிடப்பட்ட ஒரு ஒப்பந்தத்தில் லாக்ஹீட்-மார்ட்டின் கட்டப்பட்ட ஹெலிகாபடர்களை வாங்கினார். இந்திய விமானப்படை (ஐ.ஏ.எஃப்) ஒரு பெண் போர் விமானியை தனது ரஃபேல் போர் விமானத்தில் நியமித்தது. தற்போது இந்திய கடற்படை பெண் அதிகாரிகளை நியமித்து உள்ளது.
2016 ஆம் ஆண்டில், லெப்டினன்ட் பவனா காந்த், விமான லெப்டினன்ட் அவனி சதுர்வேதி, மற்றும் விமான லெப்டினன்ட் மோகனா சிங் ஆகியோர் இந்தியாவின் முதல் மகளிர் போர் விமானிகளானார்கள். இந்த நேரத்தில், 10 போர் விமானிகள் உட்பட 1,875 பெண்கள் சேவையில் உள்ளனர். பதினெட்டு பெண் அதிகாரிகள் நேவிகேட்டர்களாக உள்ளனர். நியமிக்கப்பட்ட இரண்டு அதிகாரிகளும் இந்திய கடலோர காவல்படையின் மூன்று அதிகாரிகள் அடங்கிய குழுவில் ஒரு பகுதியாக உள்ளனர்.